ایمزٹی وی (تعلیم) شاہ عبداللطیف یونیورسٹی کی سیکیورٹی کے لئے یونیورسٹی میں اہم اجلاس منعقد ہوا جس میں رینجرز 41ونگ کے کمانڈر کرنل محمد الیاس یونیورسٹی کی وائس چانسلر ڈاکٹر پروین شاہ اور دیگراعلیٰ افسران شریک ہوئے اجلاس میں یونیورسٹی کی سیکیورٹی کے متعلق تفصیلی غور کیا گیا اور یونیورسٹی کے انتظامی افسران تمام شعبوں کے سربراہوں اور طلبہ کی حفاظت کے لئے یونیورسٹی کے مین گیٹ اور دیگر اہم جگہوں پر رینجرز کے جوان اور پولیس فورس تعینات کی جائے گی. جبکہ یونیورسٹی کی طرف آنے جانے والے راستوں پر پولیس اور رینجرز کے جوان گشت کریں گے۔ علاوہ ازین یونیورسٹی کا اپنا سیکیورٹی عملہ بھی مقرر کرنے کا اہم فیصلہ کیا گیا یونیورسٹی کی وائس چانسلر ڈاکٹر پروین شاہ نے اس موقع پر کہاکہ دہشت گرد تعلیمی اداروں کو ٹارگٹ بناکر تعلیم دشمن کام کر رہے ہیں ان کو علم دشمنی سے روکنا ہو گا. کرنل محمد الیاس نے کہاکہ رینجرز فورس تعلیمی اداروں کی سیکیورٹی کے فرائض بہتر طور پر سر انجام دے گی انہوں نے کہاکہ دہشت گردوں کو عبرت ناک انجام تک پہنچانے کے لئے آرمی و رینجرز 24گھنٹے ہائی الرٹ ہے یونیورسٹی کے رجسٹرار اسد رضا عابدی نے اجلاس کو بتایا کہ یونیورسٹی میں سیکیورٹی کے فول پروف انتظامات کرنا ہو ں گے اس سلسلے میں یونیورسٹی کے اندر اور باہر چیک پوسٹ قائم کرنے سمیت دیگر انتظامات کر رہے ہیں۔