ایمزٹی وی(ایجوکیشن) نوبل انعام یافتہ پاکستانی طالبہ ملالہ یوسفزئی کی والدہ تورپکئی نے بھی اپنی بیٹی کے نقش قدم پرچلتے ہوئے تعلیم حاصل کرنا شروع کردی۔ ذرائع کے مطابق ملالہ کی والدہ تورپکئی نے ایک انٹرویومیں بتایا کہ ملالہ مجھے ہوم ورک کرنےکے لئے کہتی ہے اور جب میرے نمبرکم آتے ہیں تومجھے مزیدسخت محنت کی نصیحت کرتی ہے۔ تورپکئی کا مزید کہنا تھا کہ وہ بہت خوش ہیں کہ44 سال کی عمرمیں اسکول جارہی ہیں۔ وہ اپنی بیٹی کی شکر گزار ہیں کیونکہ وہ انگلش کے ساتھ ساتھ پڑھنااورلکھنا بھی سیکھ رہی ہیں جو وہ گاؤں میں کبھی نہیں سیکھ سکتی تھیں۔