پنجاب ایجوکیشن فاؤنڈیشن نے اساتذہ کو کیش تنخواہوں کی ادائیگی پر پابندی عائد کردی ہے۔
تفصیلات کے مطابق یکم مارچ سے اساتذہ کو صرف بینک اکاؤنٹ یا ڈیجیٹل طریقہ کار سے تنخواہوں کی ادائیگی کیجائے گی،پیف نے تمام لائسنسی اسکولوں کو تنخواہوں کی ادائیگی ڈیجیٹل طریقہ کار سے ادا کرنے کیلئے مراسلہ جاری کردیا۔
پنجاب ایجوکیشن فاؤنڈیشن حکام کا کہنا ہے کہ تنخواہوں کی ادائیگی کا ریکارڈ ٹیچرز انفرمیشن سسٹم پر فراہم کیا جائے گا۔ احکامات پر عملدرآمد نہ کرنے والے لائسنسی سکولز کیخلاف محکمانہ کارروائی کیجائے گی۔
فیز ون میں آؤٹ سورس ہونے والے سکولوں کی تعداد پانچ ہزار سے زائد ہے۔ مذکورہ سکولوں میں کام کرنے والے اساتذہ کی تعداد دس ہزار سے زائد ہے۔