ایمز ٹی وی(لاہور) عمران خان اور ریحام خان کے درمیان چپقلش کے بعد باہمی مشاورت کے بعد طلاق ہوگئی جب کہ ترجمان تحریک انصاف نعیم الحق نے طلاق کی تصدیق کرتے ہوئے بتایا ہے کہ یہ بہت تکلیف دہ بات ہے اور دونوں کے درمیان طلاق ہوچکی ہے تاہم عمران خان کہتے ہیں میڈیا اس خبر پر قیاس آرائیوں سے گریز کرے اور میڈیا اس خبرکواسی حد تک چلائےجتنی بتائی گئی ہے۔ ان کا کہنا تھا کہ عمران خان اورریحام خان میں طلاق باہمی رضامندی سے ہوئی اور طلاق دینے کا فیصلہ نہایت حساس اور سنجیدہ مسئلے پر کیا گیا ہے۔ذرائع کے مطابق ریحام کو طلاق کے بعد اٹھارہ کروڑ مالیت کے زیوارت اور اثاثے میلں گے، صلح کی تمام کوشیشں ناکام ہونے کے بعد طلاق پر رضا مندی دس روز پہلے ہوئی تھی۔ دوسری جانب ذرائع کا کہنا ہے کہ ریحام خان بنی گالہ میں تحریک انصاف کی سرگرمیوں سے بہت پریشان تھیں اور انہوں نے اسد عمر کا داخلہ بھی بنی گالہ میں بند کردیا تھا اور گزشتہ 2 روز قبل ریحام عالمی کانفرنس میں شرکت کے لئے برطانیہ روانہ ہوگئی تھیں۔