ایمز ٹی وی (تجارت) پاناما لیکس کا پنڈورا باکس کیا کھلا ہر طرف سے چہ مگویاں شروع ہو گئیں۔ کہیں سے استعفے کے مطالبے اور کہیں سے دما دم مست قلندر کی صدائیں آنے لگیں۔ ان حالات میں کاروبار کو تو جیسے بریکیں ہی لگ گئی ہیں۔ اپوزیشن کا دھوم دھڑکا تو اپنی جگہ، حکومت بھی اینٹ کا جواب پتھر سے دینے کے لئے سرگرم ہو گئی ہے۔ ایسے میں کاروباری طبقہ کہتا ہے کہ جب ادارے موجود ہیں تو سڑکوں اور پنڈالوں میں ہنگامے کیوں کئے جا رہے ہیں۔ کاروباری طبقہ اس امر پر بھی متفق ہے کہ کرپشن کے خلاف کوئی نرم گوشہ اختیار نہ کیا جائے لیکن اس کا مطالبہ ہے کہ کرپشن کے خلاف لڑائی متعلقہ پلیٹ فارم پر لڑی جائے تو ہی مثبت نتائج نکلیں گے۔