ایمزٹی وی(انٹرٹینمنٹ) سابق آسٹریلوی کرکٹر اور بالی ووڈ انڈسٹری میں قدم رکھنے والے بریٹ لی بھارتی فلم نگری کے شاہ رخ خان اور اداکارہ پریٹی زنٹا کے دیوانے نکلے ہیں۔

بھارتی میڈیا رپورٹس کے مطابق بالی ووڈ میں نئی اداکاری کے جوہردکھانے والے سابق آسٹریلوی کھلاڑی بریٹ لی کا کہنا تھا کہ انہیں بالی ووڈ نگری سے 2 سے 3 فلموں کی آفرکی گئی لیکن اس وقت وہ اداکاری کے لیے تیارنہیں تھے اورکرکٹ بھی کھیل رہے تھے جب کہ نئی ریلیز شدہ فلم ان انڈین کا جب اسکرپٹ پڑھا تو وہ بہت اچھا لگا تاہم تب ہی سوچ لیا تھا کہ انٹری دینے کے لیے یہ بہترین موقع ہوگا۔

بریٹ لی نے کہا کہ وہ اس موقع کو ہاتھ سے جانے نہیں دینا چاہتے تھے اس لیے انہوں نے فلم کے لیے ہاں کی۔ فلم ایک رومینٹک کامیڈی فلم ہے جس میں لی نے ایک استاد کا کردار نبھایا جو دیگر ممالک سے آنے والے اپنے اسٹوڈنٹس کو زبان اور آسٹریلوی رہن سہن سکھاتا ہے۔ بریٹ لی نے شا ہ رخ اورپریٹی زنٹا کو اپنا پسندیدہ اداکارقراردیتے ہوئے کہا کہ وہ ان دونوں فنکاروں کو ذاتی طورپر بھی جانتے ہیں جب کہ دونوں بہترین اداکار ہونے کے ساتھ ساتھ بہترین انسان بھی ہیں۔

اپنی فلم کے حوالے سے ان کا کہنا تھا کہ آسٹریلیا کے بعد ان کی فلم کا بھارت مین ریلیز ہونا خوشی کا باعث ہے جب کہ یہاں کی ثقافت اور مداح کی جانب سے دیا جانے والی محبت ان کے لیے بہت اہم ہے۔ ان کا کہنا تھا کہ کہ جب بھی وہ بھارت آتے ہیں تو ان کا اچھے سے استقبال کیا جاتا ہے۔

واضح رہے کہ بریٹ لی کی فلم ان انڈین 2015 میں آسٹریلیا میں ریلیزہونے والی فلم ہے جب کہ اب یہ فلم بھارت میں بھی ریلیزکی گئ ہے جس میں بریٹ لی کے ساتھ اداکارہ تنشتھا چترجی نے اداکاری کے جوہر دکھائے۔