ایمز ٹی وی ( انٹر ٹینمنٹ )انڈین فلموں مکمل بائیکاٹ کردیا گیا ہے۔حکومت انڈین فلموں کی امپورٹ کے حوالے سے پالیسی بنائے ۔سلمان خان ،کرن جوہر سمیت دیگر بھارتی فنکاروں کے شکرگزار ہیں جہنوں نے پاکستانی فنکاروں کے حق میں آواز بلند کی۔ پاکستان ایک پر امن ملک ہے اور پر امن لوگوں کو پسند کرتا ہے ۔ان خیالات کا اظہار پاکستان فلم انڈسٹری کے سینئر اداکار مصطفی قریشی نے لاہور پریس کلب میں پریس کانفرنس کرتے ہوئے کیا ۔ان کے ساتھ میڈم سنگیتا ،پرویز کلیم ،کامران چوہدری، عرفان کھوسٹ ،ملک یونس،ارشد وڑائچ ،گل اکبر آفریدی،ناصر ادیب ،اچھی خان سمیت فلم انڈسٹری سے وابستہ دیگر اداکار اور پروڈیوسرز موجود تھے۔انہوں نے مزید کہا بھارت نہتے کشمیریوں کو ظلم و ستم کا نشانہ بنا رہا ہے ایل او سی کی کھلے عام خلاف ورزی کررہا ہے ۔