ایمزٹی وی(انٹرٹینمنٹ)بھارت کے آسکر ایوارڈ یافتہ موسیقار اے آر رحمن کے بھارتی شہر حیدرآباد میں 26 نومبر سے شروع ہونے والے کنسرٹ’’ اے آر رحمن ان کور ‘‘ میں امریکی صدر ٹرمپ کی بیٹی ایوانکا بھی شرکت کریں گی۔
بھارتی میڈیا کے مطابق ایوانکا ٹرمپ نے کنسرٹ میں شرکت کیلئے دلچسپی ظاہر کی۔ اگر سب کچھ طے ہوگیا تو پھر امکان ہے کہ وہ حیدرآباد کے کنسرٹ میں شرکت کریں۔ ذرائع نے کہاکہ اس کے بعد سے شو کے پرموٹرز سیکیورٹی کے حوالے سے تمام اقدامات کررہے ہیں کیونکہ کنسرٹ میں حیدرآباد اور دیگر علاقوں سے 30 ہزار سے زائد مداحوں کی شرکت متوقع ہے۔
اے آر رحمن تقریبا 5 سال بعد بھارت میں اپنے فن کا مظاہرہ کریں گے۔ کنسرٹ میں ان کے موسیقی کی دنیا میں 25 برس مکمل ہونے کا جشن منایا جائے گا۔ چار شہروں پر مشتمل دورے کا آغاز حیدرآباد سے کیا جائے گا۔