ایمز ٹی وی (ٹیکنالوجی) سماجی رابطے کی ویب سائٹ فیس بک نے اپنے حریف سنیپ چیٹ کیساتھ مقابلہ سخت کرنے کیلئے فیسیومیٹرکس نامی ٹیکنالوجی خرید لی ہے ۔

فیس بک کے ترجمان نے کہا وقت کیساتھ ساتھ لوگوں کا اپنے جذبات کے اظہار کا طریقہ بھی بدل رہا ہے اور اب یہ اہم ہے کہ آپ اپنے جذبات کا اظہار کس قدر مزاحیہ اور دلچسپ انداز میں کرپاتے ہیں۔

ان کا کہنا تھا ہم فیس بک کی ٹیم میں فیسیو میٹرکس کی ٹیم کو خوش آمدید کہتے ہیں جسکی مدد سے ہمارے صارفین اب اپنی تصاویر اور ویڈیوز کو دلچسپ شکل دے سکتے ہیں اور فیس بک پر شیئر کرنے کے ایک بالکل نئے تجربے سے روشنا س ہوسکتے ہیں۔

فیسیو میٹرکس 2015 میں پنسلوانیا میں بنایا گیا تھا اور اس میں استعمال کی گئی مصنوعی ذہانت کے ذریعے صارفین اپنی تصاویر کو نیا اور اچھوتا تاثر دے سکتے ہیں۔ فیسیو میٹرکس کے چیف ایگزیکٹو کے مطابق فیس بک کیساتھ ہونیوالے معاہدے سے ہم اس قابل ہوجائینگے کہ ایک ناقابل یقین پیمانے پر پہنچ کر کام کرسکیں اور ہماری چیز ساری دنیا تک پہنچ جائیگی۔