گندگی اور غلاظت کے ڈھیر نے کراچی میں ڈینگی اور ملیریا کے کیسز میں اضا فہ کردیا ہے ۔ماہرین طب کا کہنا ہے کہ بروقت صفائی سے ان امراض کو پھیلنے سے روکا جا سکتا ہے۔
روشنیوں کے شہر میں جہاں گندگی نے لوگوں کا جینا اجیرن کیا ہوا ہے، وہیں بیماریاں بھی بڑے پیمانے پر پھیل رہی ہیں، جن میں ملیریا اور ڈینگی سرفہرست ہیں،جن کی علامات میں بخار،جسم میں درد شامل ہے۔
ماہرین طب کاکہنا ہے کہ جب تک گندگی کے ڈھیر صاف نہیں ہو جاتے لوگ بھر پور احتیاط سے کام لیں اور طلوع اور غروب آفتاب کے وقت جسم کو مکمل طور پر ڈھانپ کر رکھیں ۔
ماہرین طب کے مطابق ڈینگی اور ملیریا کے مچھرسے بچاؤ کے لئے زیر زمین اور چھتوں پر موجود پانی کے ٹینکوںکوصاف رکھیں،کسی بھی جگہ غیر ضروری طور پر پانی جمع نہ ہونے دیں