واشنگٹن : سیب کی ایک نئی قسم جسے تیار کرنے میں دو دہائی کا عرصہ لگا ہے کو ممکنہ طور پر ایک سال تک فریج میں بغیر خراب ہوئے رکھا جا سکتا ہے اور گزشتہ روزامریکہ میں اس کی فروخت شروع ہو گئی ہے ۔سیب کی اس نئی قسم کو " کاسمک کرسپ " کا نام دیا گیا ہے اور یہ ہنی کرسپ اور انٹرپرائز سیب کی پیوند کاری سے وجود میں آیا ہے ۔

 

اسے پہلی بار 1997 میں واشنگٹن ا سٹیٹ یونیورسٹی میں اگایا گیا تھا۔اس ٹھوس، خستہ اور رس دار سیب کی لانچ میں ایک کروڑ امریکی ڈالر خرچ آیا ہے ۔واشنگٹن کے کسانوں کو آنے والی دہائی میں اس کی کاشت کی اجازت دی جائے گی۔

 

واشنگٹن اسٹیٹ یونیورسٹی میں اس سیب کی افزائش اور نشوونما کی شریک سربراہ کیٹ ایوانز نے بتایاکہ یہ زیادہ خستہ اور نسبتاً سخت سیب ہے ، اس میں ترش و شریں ذائقہ کا اچھا توازن ہے اور یہ بہت ہی رسیلا ہے ۔ اس کے گودے کا رنگ تبدیل ہونے میں کافی وقت لگتا ہے اور اگر اسے ریفریجریٹر میں رکھا جائے تو دس بارہ ماہ تک کھانے میں اس کی اچھی کوالٹی برقرار رہتی ہے ۔کاسمک کرسپ کے ایک کروڑ 20 لاکھ درخت لگائے گئے ہیں اور سخت قواعد و ضوابط کی وجہ سے کسانوں کو اسے ملک کے دوسرے حصوں میں اگانے کی اجازت نہیں دی گئی