ویب ڈیسک: فیس بک اور انسٹاگرام کی سروسز ایک بار پھر متاثر ہوگئیں

فیس بک نے سروسز متاثر ہونے کی تصدیق کرتے ہوئے ٹوئٹ کیا فیس بک کی جانب سے کہا گیا ہے کہ ہم جانتے ہیں کہ کچھ صارفین کو ہماری ایپس تک رسائی میں دشواری ہو رہی ہےجس کی وجہ سےصارفین کو مشکلات کا سامنا کرنا پڑ رہا ہے۔

ٹوئٹ میں مزید کہا گیا کہ ہم چیزوں کو جلد سے جلد معمول پر لانے کے لیے کام کر رہے ہیں اور ہم کسی بھی قسم کی تکلیف کے لیے معذرت خواہ ہیںـ"

تاہم پاکستان میں فیس بک اور انسٹا گرام کی سروسز متاثر ہونے کی کوئی اطلاعات اب تک سامنے نہیں آئیں۔

واضح رہے کہ رواں ہفتے دوسری مرتبہ فیس بک اور انسٹاگرام کی سروسز متاثر ہوئی ہیں۔

اس سے قبل پیر کے روز پاکستان سمیت دنیا بھر میں فیس بک،واٹس ایپ اور انسٹاگرام کی سروسز 7 گھنٹوں تک متاثر رہیں جس کی وجہ سے صارفین کو کافی مشکلات کا سامنا کرنا پڑا تھا۔