ایمز ٹی وی (سائنس اینڈ ٹیکنالوجی) فلوریڈا کی کمپنی نے ایل ای ڈی لگا ایسا ماسک تیار کیا ہے جس پر درجنوں ایل ڈیز لگی ہیں اور ان کی روشنی سے چہرے کی جھریاں دور کی جاسکتی ہیں۔ اگرچہ ایسی کئی ایجادات بدن کے مختلف حصوں کے لیے بنائی جاچکی ہیں لیکن پورے چہرے کو شاداب اور جھریوں سے محفوظ بنانے والا یہ الیکٹرانک ماسک کچھ انوکھا ہے۔

آئی ڈرما نامی اس انوکھے ماسک میں سرخ اور انفراریڈ روشنیاں خارج کرنے والے 140 ایل ای ڈیز لگی ہیں جو چہرے کو ڈھانپ لیتی ہیں اور چہرے سے عمر کے آثار کم کرتی ہیں، سرخ روشنی ایک جانب تو جلد کو ٹائٹ کرتی ہے تو دوسری جانب جلد میں تیل خارج کرنے والے غدود پر بھی اثر ڈالتی ہے۔اس کے علاوہ سبز اور نیلی ایل ای ڈی کا ایک اور الیکٹرانک ماسک بنایا جارہا ہے جو ایک جانب تو جلد کی رنگت نکھارے گا اور دوسری جانب ایکنی کو بھی دور کرے گا۔

حال ہی میں اس ماسک کا مظاہرہ لاس ویگاس کی مشہور الیکٹرانکس نمائش میں کیا گیا اور لوگوں کی اکثریت نے اسے پسند کیا۔ کمپنی کے سربراہ  کے مطابق روشنی سے کئی طرح کے علاج کیے جاسکتے ہیں، روشنی جلد کی خلیات پر اثر ڈال کر اسے اچھا کرتی ہے اور یوں ایکنی، جھائیوں اور جلد کی مختلف رنگت سے نجات مل سکتی ہے۔

ماسک کو ہفتے میں 3 سے 4 مرتبہ 8 سے 15 منٹ استعمال کرکے مطلوبہ نتائج حاصل کیے جاسکتے ہیں اورکمپنی کادعویٰ ہے کہ اس کے کوئی مضر اثرات مرتب نہیں ہوتے ۔ اس کے علاوہ کمپنی ’’آئی گرو نامی‘‘ ایک اور ایک ماسک بنارہی ہے جسے مرد سر پر پہن سکتے ہیں اور اس میں نصب لیزر اور روشنی سے بال گرنے کے عمل کو روکا جاسکتا ہے اور بالوں کی دوبارہ افزائش میں بھی مدد ملتی ہے۔