ایمزٹی وی(انٹرنیشنل) امریکی ریاست کیلیفورنیا کی اسمبلی نے ایک متنازعہ بل بھاری اکثریت سے پاس کیا ہے جس کے مطابق اسرائیل کا بائیکاٹ کرنے والی کمپنیوں کو بھاری جرمانہ کیا جائیگا ۔ کیلیفورنیا کی اسمبلی میں اس بل کے حق میں 59 ووٹ جبکہ مخالفت میں صرف ایک ووٹ پڑا ۔ اس ماہ کے آخر تک گورنر کے دستخط کے بعد یہ بل قانونی حثیت اختیار کر جائیگا ۔ امریکہ کی شہری آزادی تنظیموں نے بھی اس بل کی سخت مخالفت کرتے ہوئے کہا ہے کہ اسرائیلی نواز قانون سازوں نے فلسطین کی حامی تنظیم بی ڈی ایس کو انتقامی کارروائیوں کا نشانہ بنایا ہے ۔ اس بل کی حتمی منظوری کے بعد ریاست کیلیفورنیا میں یورپ کی ان کمپنیوں کی سرگرمیاں بھی متاثر ہونگی جو اسرائیل کا بائیکاٹ کرتی ہیں۔