ایمزٹی وی (سیاسی) متحدہ قومی موومنٹ کے قائد الطاف حسین نے پشاور میں نجی اسکول پر مسلح دہشت گردوں کے حملے کی مذمت کی ہے اور واقعہ کے نتیجے میں معصوم بچوں اور اساتذہ کرام سمیت متعدد افراد کے شہید اور زخمی ہونے پر افسوس کا اظہار کیا ہے۔ الطاف حسین نے خیبر پختونخوا کے ذمہ داران، کارکنان اور حق پرست عوام سے اپیل کی ہے کہ وہ لیڈی ریڈنگ اسپتال میں خون کی قلت کے پیش نظر اپنا اخلاقی فریضہ ادا کرتے ہوئے لیڈی ریڈنگ اسپتال میں فوری خون کے عطیات دیں اور زخمیوں کی مدد کریں تاکہ مزید قیمتی انسانی جانوں کو ضایع ہونے سے بچایا جا سکے ۔