لندن ( ایمز ٹی وی ) وزیر اعظم نواز شریف کا کہنا ہے کہ پاکستان اور ہندوستان کے درمیان مسئلہ کشمیر ایک بنیادی مسئلہ ہے اور اس کے فوری حل کے لئے اس پر ہر فورم پر بات چیت ہونی چاہیئے ۔ خبر رساں ادارے اے پی پی کے مطابق وزیر اعظم نے کہا کہ دونوں ممالک کے لئے یہ بہتر ہوگا کہ وہ جلد مسئلہ کشمیر پر بات چیت شروع کریں ،امریکہ میں ہونے والی اقوام متحدہ کی جنرل اسمبلی میں شرکت کے لئے روانہ ہونے سے قبل لندن میں میڈیا کے نمائندوں سے بات چیت کرتے ہوئے وزیر اعظم نے کہا کہ اس مسئلے کو نہ صرف بین الاقوامی سطح پر بلکہ پاکستان اور ہندوستان کے درمیان ہونے والی ہر قسم کی باہمی سطح کی ملاقات میں بھی زیر بحث لانا چاہئیے ۔ وزیر اعظم نواز شریف کا کہنا تھا کہ یقینی طور پر مسئلہ کشمیر پر ہر فورم پر بات چیت ہونی چاہیے ۔