ایمز ٹی وی (فارن ڈیسک)انڈو نیشیا کے مشرقی جزیرے مالوکو کے سمندر میں 7.1 شدت کے زلزلے کے بعد سونامی کی وارننگ جاری کر دی گئی ہے۔
انڈونیشیا کے مشرقی جزیرے مالوکو میں سمندر کی تہہ میں 7.1 شدت کا زلزلہ ریکارڈ کیا گیا جبکہ زلزلے کے باعث اٹھنے والی سونامی کی لہر نے جزیرے جیلولو کو متاثر کیا تاہم کسی جانی اور بڑے مالی نقصان کی اطلاعات موصول نہیں ہوئیں۔
انڈونیشین حکام کا کہنا ہے کہ زلزلے کے جھٹکے ملک کے مشرقی شہروں میں محسوس کئے گئے اور لوگ خوف کے مارے اپنے گھروں سے باہر آ گئے۔ انڈونیشیا کے میٹرولوجیکل ڈپارٹمنٹ نے پہلے سونامی کی وارننگ جاری کی تھی تاہم طوفان کے خطرات ٹلنے کے بعد وارننگ واپس لے لی گئی۔
۲۰۰۴ میں انڈونیشیا کے جزیرے سماٹرا میں سمندر کے اندر آنے والے زلزلے کے بعد بننے والے سونامی نے مختلف ممالک میں تباہی مچادی تھی جس میں 2 لاکھ ۱۵ ہزار سے زائد کے قریب لوگ اپنی جانوں سے ہاتھ دھو بیٹھے تھے-