ایمزٹی وی (سیاسی) وزیراعظم نواز شریف نے سزائے موت کے خلاف حکم امتناعی ختم کرانے کیلیے اٹارنی جنرل آفس اور قانونی ٹیم کو ہدایات جاری کردیں۔ انہوں نے کہا کہ دہشتگردی کے مقدمات کی متحرک انداز میں پیروی کی جائے۔ جوانوں، شہریوں اور بچوں کوقتل کرنے والے رحم کے قابل نہیں۔ رپورٹ کے مطابق فوجی عدالت سے سزا پانے والے پانچ سویلین قیدیوں کی پھانسی رک گئی۔ جن پانچ قیدیوں کو آج کوٹ لکھپت جیل میں پھانسی دی جانی تھی۔ لاہور ہائی کورٹ پنڈی بنچ نے انکی سزاؤں پر عمل درآمد روک دیا۔ پانچوں سویلین قیدیوں کو فوجی عدالت نے سزا سنائی تھی۔ وزیراعظم نے فیصلوں کے خلاف قانونی اقدامات کی ہدایت کردی ہے۔ پانچ قیدیوں کو آج سزائے موت ہونی تھی۔ عدالت نے عمل درآمد روک دیا۔ فیصلے پر وزیراعظم بھی حرکت میں آگئے۔ سزامعطل کرنے کا فیصلہ لاہور ہائی کورٹ راولپنڈی بینچ نے دیا ہے۔ جہاں قیدیوں کے وکیل نے شہریوں کا کورٹ مارشل کرنے پر کیس دائر کیا۔ جسٹس ارشد تبسم کے رو برو وکیل لائق خان سواتی نے موقف اپنایا کہ ملزمان کو وکیل کرنے کا اور عدالتی دستاویز نہیں دیے گئے۔ عدالت نےاحسن عظیم، آصف ادریس، عمر ندیم، کامران اسلم اور عامر یوسف کی سزا معطل کردی۔ ادھر لاہو رہائی کورٹ نے متفرق درخواستوں کی سماعت کے بعد سرکاری وکیل سے سزاے موت پانے والے تمام قیدیوں کی تفصیلات طلب کرلی ہیں۔ سزائے موت پر عمل درآمد رکنے پر وزیراعظم نے نوٹس لیا ہے اور اٹارنی جنرل کو دہشت گردوں کی سزاؤ ں پر حکم امتناعی ختم کرانے کے لیے فوری قانونی اقدامات کی ہدایت کردی ہے۔ ترجمان وزیراعظم کے مطابق دہشتگردی کے زیر التوا کیسز کا دوبارہ جائزہ لینے کی ہدایت بھی کی ہے۔ وزیراعظم کا کہنا ہے کہ ہمارے فوجیوں، شہری اور معصوم بچوں کے قاتلوں پر رحم نہیں کیا جاسکتا ۔
ایمزٹی وی (فارن ڈیسک)شام نے گولان کی پہاڑیوں کے قریب اسرائیلی ڈرون طیارہ مار گرانے کا دعویٰ کیا ہے۔ سرکاری میڈیا کے مطابق شام کے صوبے قنیطرہ کے گاوٗں حدر میں ڈرون طیارے کو نشانہ بنایا گیا ہے، تاہم اس دعوٰے کی تاحال تصدیق نہیں ہوسکی۔ حدر کے علاقے میں اس سے قبل بھی اسرائیلی اور شامی افواج کے درمیان جھڑپیں ہوتی رہی ہیں۔ پچھلے ہفتے بھی شام نے الزام لگایا تھا کہ اسرائیلی طیاروں نے دارالحکومت دمشق کے قریب بمباری کی ہے ۔
ایمزٹی وی (تھر پارکر) تھر پارکر میں غذائی قلت کے باعث سول اسپتال مٹھی میں دو بچے انتقال کرگئے۔ تھر میں مسلسل تیسرے سال قحط سالی کے باعث صورتحال سنگین ہوتی جارہی ہے۔ سول اسپتال مٹھی میں غذائی قلت کا شکار چار ماہ کا بچہ نذیر انتقال کرگیا جبکہ تعلقہ اسپتال چھاچھرو میں تین دن کا بچہ بھی انتقال کرگیا۔ رواں ماہ میں مرنے والے بچوں کی تعداد 88 ہوگئی ہے۔
ایمز ٹی وی (فارن ڈیسک ) امریکی شیف نے پاپ گلوکار کی شکل کا پین کیک تیار کر ڈالا ۔امریکا سے تعلق رکھنے والے اس ماہر شیف کو ہی دیکھ لیجئے جس نے آنجہانی گلوکار مائیکل جیکسن کو خراج تحسین پیش کرنے کا انوکھا طریقہ ڈھونڈ نکالا اور پاپ اسٹار کی شکل کا پین کیک تیار کر ڈالا۔واضح رہے کہ ناتھن نامی یہ شیف اس سے قبل بھی کئی نامور شخصیات کے پین کیکس بنا کر مقبولیت حاصل کر چکا ہے۔
ایمزٹی وی (اسپورٹس)پاکستان کی جونئیر ہاکی ٹیم نے اگلے سال انڈر 21 ورلڈ کپ کے لئے تیاری کا آغاز کرلیا ہے۔ کوچ منظور الحسن پرامید ہیں کہ ایونٹ سے قبل نیا ٹیلنٹ تلاش کرنے میں کامیاب ہوجائیںگے۔ نیوز چینلز سے گفتگو کرتے ہوئے پاکستان کی جونئیر ہاکی ٹیم کے کوچ اور منیجر منظور الحسن کا کہنا تھا کہ انڈر 21 ورلڈ کپ کی تیاری کا آغاز کردیا گیا ہے۔ نیشنل چیمپئن شپ اور آرمی چیف ہاکی ٹورنامنٹ سے نیا ٹیلنٹ لیا جائے گا۔ وہ پرامید ہیں کہ ایونٹ سے قبل نئے ٹیلنٹ کی تلاش مکمل ہوجائے گی۔ انکا کہنا تھا کہ ورلڈ کپ کی تیاری کے لئے اگلے سال کے آغاز میں ہی ایک ماہ کا تربیتی کیمپ لگانے کی ضروت ہے ۔
ایمزٹی وی (سیاسی) فاٹا میں آج سے 4 روزہ انسداد پولیو مہم کا آغاز ہوگیا۔ مہم میں 6 لاکھ 95 ہزار بچوں کو حفاظتی قطرے پلانے کا ہدف مقررکیا گیا ہے۔ انسداد پولیومہم فاٹا کے انچارج ڈاکٹر اختیار کے مطابق وفاق کے زیر انتظام قبائلی علاقہ جات میں آج سے 4 روزہ انسداد پولیو مہم کا آغازکیا گیا ہے۔ مہم کے دوران 695274 بچوں کو حفاظتی قطرے پلانے کا ہدف مقررکیا گیا ہے۔ مہم کے لئے 2897 ٹیمیں تشکیل دے دی گئی ہیں۔ تاہم شمالی وزیرستان میں امن وامان کی مخدوش صورتحال کے پیش نظر انسداد پولیو مہم کو معطل کیا گیا ہے ۔
ایمزٹی وی (سیاسی) نوشہرہ میں ٹرانسپورٹرز کے دو گروپوں میں فائرنگ کے نتیجے میں پولیس اہل کار اور راہ گیر زخمی ہوگیا۔ ملزمان کی گرفتاری کے لئے سرچ آپریشن شروع کردیا گیا۔ نوشہرہ کے علاقہ کوٹلی کلاں میں ٹرانسپورٹرز کے دو گروپوں میں فائرنگ کی اطلاع پر پولیس موقع پر پہنچی تو ملزمان نے پولیس پارٹی پر فائرنگ کردی۔ فائرنگ سے سب انسپکٹر فواد اور ایک راہ گیر شدید زخمی ہوگئے جنہیں پشاور منتقل کردیا گیا ہے۔ ملزمان کی گرفتاری کے لئے پولیس نے سرچ آپریشن شروع کردیا ہے ۔
ایمز ٹی وی (فیصل آباد) فیصل آباد ڈسٹرکٹ جیل میں دہشت گردی میں ملوث چار مجرموں کوپھانسی دے دی گئی۔پھانسی کی سزا پانے والے مجرموں میں غلام سرور،راشدمحمود،زبیراحمداوراخلاص احمدشامل ہیں جن پرویز مشرف پرحملے کا الزام تھا ،اس موقع پرفیصل آباد جیل کے اندر اور باہر سیکیورٹی کے سخت انتظامات کئے گئے جبکہ شہر بھر میں سیکیورٹی ہائی الرٹ تھی۔چاروں ملزمان کو گزشتہ رات پھانسی دی جانا تھی تاہم دھند کے باعث آخری ملاقات کے لیے اہل خانہ کے نہ پہنچنے کے باعث سزا کو ملتوی کردیا گیا تھا۔
قومی کرکٹ ٹیم کے آل رﺅنڈر شاہدخان آفریدی نے ورلڈکپ 2015ءکے بعد ون ڈے کرکٹ سے ریٹائرمنٹ کااعلان کردیا۔آفریدی فاﺅنڈیشن کی تقریب کے موقع پر میڈیا سے گفتگوکرتے ہوئے شاہد آفریدی کاکہناتھاکہ ورلڈ کپ کے بعد وہ صرف ٹی 20کھیلیں گے اور اس فیصلے سے منیجمنٹ کوآگاہ کردیاہے ۔ اُن کاکہناتھاکہ کبھی کبھی دل چاہتاہے کہ سیاست میں آئیں لیکن ایساکرنے سے بڑے منع کرتے ہیں ، خواہش ہے کہ تیز ترین سینچری کا ریکارڈ ان کے پاس ہی رہے ۔ یادرہے کہ اس سے قبل بوم بوم آفریدی ٹیسٹ کرکٹ سے ریٹائرمنٹ کا اعلان کرچکے ہیں ۔