ایمزٹی وی (بلوچستان) بلوچستان کے دارالحکومت کوئٹہ اور ساحلی شہر گوادر کو 'محفوظ شہر' بنانے کے لیے سیکیورٹی کا جامع منصوبہ تشکیل دے دیا گیا۔ بلوچستان کے چیف سیکریٹری سیف اللہ چھٹہ خی زیر صدارت اجلاس ہوا ۔اجلاس کے دوران بریفنگ دیتے ہوئے انفارمیشن ٹیکنالوجی کے ڈائریکٹر جنرل (ڈی جی) خالد شیر دل کا کہنا تھا کہ دونوں شہروں میں لیزر کیمروں، آٹومیٹک نمبر پلیٹ ریڈر اور آر ایف آئی ڈی سیکیورٹی آلات کی تنصیب کے لیے 10 ارب روپے مختص کیے گئے ہیں. اس حوالے سے ڈی جی بلوچستان کا کہنا تھا کہ کوئٹہ کے تمام اہم مقامات پر 1400 سیکیورٹی اور نگرانی کیمرے نصب کیے جائیں گے، جس میں شہر کے داخلی اور خارجی راستے بھی شامل ہیں جبکہ گوادر اور اس کے اطراف میں 136 مقامات پر 465 کیمرے نصب کیے جائیں گے۔