ایمز ٹی وی(اسلام آباد)پارلیمنٹ کا مشترکہ اجلاس شام 5 بجے تک ملتوی کردیا گیا، وزیراعظم نواز شریف سری لنکن صدر سے ملاقات کے باعث اجلاس میں پیش نہیں ہوئے جس پر اپوزیشن نے اجلاس ملتوی کرنے کی تجویز دی۔پارلیمنٹ کے مشترکہ اجلاس میں وزیراعظم نواز شریف کی غیر موجودگی پر اپوزیشن نے اجلاس ملتوی اور حکومت نے جاری رکھنے پر اصرار کیا، اسحاق ڈار نے کہا کہ بحث شروع کی جائے، وزیراعظم جلد اجلاس میں شامل ہوجائیں گے۔ خواجہ آصف کا کہنا تھا کہ سری لنکن صدر کا دورہ پہلے سے طے شدہ تھا، وزیراعظم ساڑھے 3 بجے کے بعد اجلاس میں آئیں گے۔قائد حزب اختلاف خورشید شاہ نے اسپیکر کو تجویز دی کہ اجلاس شام 4 بجے تک ملتوی کردیا جائے، اہم اجلاس میں وزیراعظم کی موجودگی ضروری ہے، میاں نواز شریف بہت میٹھا بولتے ہیں، انہیں سننا اچھا لگتا ہے