اسلام آباد: پاکستان بھر کی465 ماڈل کورٹس نے گزشتہ روز2012 مقدمات کا فیصلہ کیا۔
ڈائریکٹر جنرل مانیٹرنگ سہیل ناصر کے دفتر سے جاری رپورٹ کے مطابق 182ماڈل کریمنل ٹرائل کورٹس نے قتل کے 79 اور منشیات کے 180 مقدمات کافیصلہ سنا دیا۔ تمام عدالتوں نے کل 945 گواہان کے بیانات قلمبند کیے۔
پنجاب میں قتل کے 36 اور منشیات کے 91 اسلام آباد منشیات کے 2، سندھ میں قتل کے 26 اور منشیات کے 21، خیبر پختونخوا میں قتل کے 14 اور منشیات کے 62 جبکہ بلوچستان میں قتل کے 3 اور منشیات کے 4 مقدمات کا فیصلہ ہوا۔ 5 مجرمان کو سزائے موت 12 کو عمر قید کی سزا سنائی گئی۔