مظفرآباد : مرکزی رہنما ن لیگ شعیب عابد کو وائس چیئرمین لوکل گورنمنٹ بورڈ آزادکشمیر مقرر ہونے پر تقریب منعقد کی گئی۔ تقریب سےخطاب کرتے ہوئے
وزیر اعظم آزاد کشمیر راجہ محمد فاروق حیدر خان نے کہا ہے کہ ہماری ساڑھے 3سا ل کی کارکردگی گزشتہ کئی ادوار پر بھاری ہے۔ دس ارب کا ترقیاتی بجٹ آج 24ارب روپے تک پہنچا دیا ۔بارہویں ترمیم کے ذریعے ختم نبوت کو آئین کا باضابطہ حصہ بنایا۔میاں نواز شریف کے احسانا ت کو کبھی نہیں بھلا سکتے ۔ شاہد خاقان عباسی نے ان کے مشن کو آگے بڑھایا۔
تقریب میں وزیر صحت ڈاکٹر نجیب نقی خان، وزیر قانون سردار فاروق احمد طاہر، ڈائریکٹر جنرل سیاسی امور ملک ذوالفقار و دیگر نے شر کت کی ۔