ایمز ٹی وی(لاہور)چیف جسٹس لاہور ہائی کورٹ نے اپنی تنخواہ اور مراعات کی تفصیلات جاری کر دیں۔
چیف جسٹس لاہور ہائی کورٹ جسٹس منصور علی شاہ نے اپنی ذات پر معلومات تک رسائی کے قانون کا اطلاق کرتے ہوئے اپنی تنخواہ اور مراعات کی تفصیلات جاری کر کے عدلیہ میں نئی تاریخ رقم کر دی ۔
لاہور ہائی کورٹ کے اعلامیے میں بتایا گیا ہے کہ چیف جسٹس لاہور ہائی کورٹ سید منصور علی شاہ نے اپنی تنخواہ اور مراعات کی تفصیلات جاری کردی ہیں جس کے مطابق وہ ماہانہ 10 لاکھ 50 ہزار 538 روپے تنخواہ لیتے ہیں جس میں بنیادی تنخواہ 7 لاکھ 13 ہزار 280 روپے، 2 لاکھ 69 ہزار 252 روپے سپیشل جوڈیشل الاﺅنس اور 67 ہزار733 روپے جوڈیشل الاو¿نس شامل ہے۔
اعلامیے میں مزید کہا گیا ہے کہ چیف جسٹس سرکاری گھر میں رہائش پذیر ہیں جس کی وجہ سے وہ 65 ہزار روپے ماہانہ ہاو¿س رینٹ الاو¿نس نہیں لے رہے۔ مراسلے کے ذریعے پنجاب انفارمیشن کمیشن کو چیف جسٹس لاہور ہائی کورٹ کی تنخواہ اور مراعات کے بارے آگاہ کر دیا گیا ہے۔
سید منصور علی شاہ تنخواہ اور مراعات کو پبلک کرنے والے پہلے جج ہیں، ماضی میں عدالتی تاریخ کے دوران کبھی بھی کسی جج کی طرف سے تنخواہوں اور مراعات کو عوام کے لیے منظر عام پر لانے کی مثال موجود نہیں۔