ایمز ٹی وی(راولپنڈی)شمالی وزیرستان میں فورسز کی بمباری میں 22 دہشت گرد مارے گئے، جیٹ طیاروں نے کئی ٹھکانے بھی تباہ کردیئے۔آئی ایس پی آر کے مطابق گزشتہ رات شمالی وزیرستان کے علاقے دتہ خیل میں پاک فضائیہ کے جیٹ طیاروں نے دہشت گردوں کے ٹھکانوں پر بمباری دی، کارروائی کے دوران 22 دہشت گرد ہلاک ہوگئے۔

واضح رہے کہ گزشتہ سال جون سے جاری آپریشن ضرب عضب میں 2 ہزار سے زائد دہشت گرد ہلاک اور ہزاروں زخمی ہوچکے ہیں، جبکہ کئی افغانستان فرار ہوگئے، کارروائیوں میں کالعدم تحریک طالبان کے سیکڑوں ٹھکانے تباہ ہوچکے ہیں۔دوسری جانب پاک فوج شمالی وزیرستان اور خیبر ایجنسی سمیت مختلف علاقوں میں آپریشن کے ساتھ ساتھ بحالی کے کاموں میں بھی مصروف ہے، قبائلی علاقوں سے نقل مکانی کرنے والوں کی واپسی کا عمل بھی جاری ہے