ایمز ٹی وی (لاہور) تحریک انصاف کے سابق صدر مخدوم جاوید ہاشمی نے پنجاب کا گورنر بننے سے معذرت کرلی۔ حکومت کی طرف سے انہیں پنجاب کی گورنری کیلئے پیشکش کی گئی جبکہ پنجاب کے موجودہ گورنر چوہدری محمد سرور کو وفاقی حکومت میں اوورسیز پاکستانیوں کے مسائل اور دیگر معاملات کو حل کرنے کیلئے عہدہ دینے کا فیصلہ کیا گیا تھا۔ جاوید ہاشمی کے انکار پر حکومت نے فیصلہ ملتوی کردیا اور رانا ثناءاللہ کے نام پر غور کیاجارہاہے۔ رانا ثناءاللہ کو عدالتی مسائل کا سامنا ہے اور اُنہیں گورنر پنجاب بنایاجاسکتاہے کیونکہ ایسی صورت میں اُنہیں استثنیٰ مل جائے گا۔ جبکہ مخدوم ہاشمی کا کہنا ہے کہ انہوں نے ملک اور جمہوریت کو بچایا ہے انہیں اپنی نشست کھوجانے یا ہارجانے سے کوئی دکھ نہیں ہوا اور اب وہ اپنا علاج کرانے کیلئے چین جائیں گے، چین سے واپسی پر اور مکمل صحت یابی کے بعد وہ آئندہ کی حکمت عملی کا فیصلہ کریں گے ۔