گوجرخان: مولانافضل الرحمان نے کہا کہ جلسہ ملتوی نہیں کیا گیا ، مریم اورنگزیب کا جلسے سے کوئی تعلق نہیں،قافلے اپنے وقت کے مطابق اسلام آباد پہنچیں، فیصلے کرنے کا حق ہمارا ہے ۔

 

مولانا فضل الرحمان نے ترجمان مسلم لیگ (ن) کی جانب سے جلسہ ملتوی کرنے پر ردعمل دیتے ہوئے کہا کہ جلسہ ملتوی نہیں کیا گیا ، مریم اورنگزیب کا جلسے سے کوئی تعلق نہیں،قافلے اپنے وقت کے مطابق اسلام آباد پہنچیں ،یہ فیصلہ مسلم لیگ (ن) کا اپنا ہے ،یہ ہمارا پروگرام ہے اور ہم فیصلہ کریں گے کہ ہم نے کیا کرنا ہے ،(ن) لیگی قیادت کوآگاہ کر دیا کہ اسلام آباد میں جلسہ آج ہو گا۔

 

انہوں نے مزید کہا کہ کارکن اسلام آباد پہنچ کر تحمل کا مظاہرہ کریں اور اپنے قافلے سے الگ نہ ہوں ، سب کا رخ اسلا م آباد کی طرف ہے کے پی کے سے قافلے روانہ ہو چکے ہیں، فیصلے کرنے کا حق ہمارا ہے ،مارچ کے اندر جلسہ اور دھرنا بھی ہے۔