پنجاب بھر کے سرکاری اسکولوں میں نئے تعلیمی سال سے مڈل اور میٹرک سطح پر ٹیک ایجوکیشن کا آغاز کرنے کا اعلان کر دیا گیا۔
سیکرٹری اسکولز ایجوکیشن خالد نذیر ووٹو نے کتابوں کی چھپائی کا حکم دیدیا۔تمام سی ای اوز سے مڈل اور میٹرک ٹیک میں داخلہ لینے والے بچوں کی تعداد طلب کی گئی ہے جس کے مطابق نئی کتابیں چھاپی جائیں گی۔
مڈل اور میٹرک ٹیک ایجوکیشن میں ایگریکلچر، انفارمیشن ٹیکنالوجی، ہیلتھ سائنسز اور فیشن ڈیزائننگ جیسے شعبے شامل کئے جائیں گے ۔
خالد نذیر وٹو نے کہا ٹیک ایجوکیشن کا مقصد سرکاری اسکولوں کے بچوں کو ہنر مند بنانا ہے تاکہ وہ عملی میدان میں کامیاب ہو سکیں۔