ایمز ٹی وی (لاہور) راولپنڈی کی انسداد دہشتگردی کی خصوصی عدالت کی جانب سے طویل سماعت کے بعد 17 جون کو سانحہ ماڈل ٹاؤن کے روز شہریوں کی گاڑیاں توڑنے والے کردار گلو بٹ کو جرم ثابت ہونے پر 11 سال 3 ماہ قید اورایک لاکھ گیارہ ہزارروپے جرمانے کی سزا سنادی گئی۔ عدالت نے فیصلے کے بعد مجرم کو گرفتار کرکے جیل بھیجنے کے احکامات بھی جاری کر دئیے جس کے بعد کمرہ عدالت میں موجود گلو بٹ کو گرفتارکرلیا گیا۔ مجرم کے وکیل کا عدالتی فیصلے کے بعد میڈیا سے بات چیت کرتے ہوئے کہنا تھا کہ کہ عدالتی فیصلے میں صرف گلو بٹ کو ہی ہدف بنایا گیا تاہم عدالتی فیصلہ قبول کرتے ہیں لیکن فیصلے کے خلاف رواں ہفتے ہی کیس تیارکرکے ہائیکورٹ سے رجوع کیا جائے گا۔