ایمز ٹی وی (کراچی) کراچی کے علاقے صدر میں واقع مارکیٹ میں شارٹ سرکٹ کے باعث آگ لگنے سے لاکھوں روپے مالیت کا سامان جل کر خاکستر ہو گیا ۔
کراچی کے علاقے صدر میں واقع مارکیٹ گل سینٹر میں اچانک آگ بھرک اٹھی ۔ فائر بریگیڈ کی آٹھ گاڑیوں نے دو گھنٹے کی جدوجہد کے بعد آگ پر قابو پایا ۔ فائربریگیڈ حکام کے مطابق آگ کی اطلاع ملنے پر فائر بریگیڈ کی گاڑیاں روانہ کی گئیں ۔
آگ نے گل سینٹر پر واقع تین دکانوں کو لپیٹ میں لے لیا ۔ آگ کے باعث عمارت کی دوسری منزل بھی متاثر ہوئی ۔
دکانداروں کا کہنا ہے کہ شارٹ سرکٹ کے باعث آگ لگی ، دھواں بھرنے کے باعث آگ بجھانے میں مشکلات کا سامنا ہوا ۔ آگ سے کوئی جانی نقصان نہیں ہوا تاہم لاکھوں روپے مالیت کا کپڑا جل کر خاکستر ہو گیا ۔