ایمز ٹی وی(کراچی) لانڈھی اوراتحاد ٹاؤن میں آتشزدگی سے 5افرادزخمی .لانڈھی اور اتحاد ٹاؤن میں گھر کے اندر کام کے دوران آگ لگنے سے خاتون اور2بچوں سمیت پانچ افراد جھلس کر زخمی ہوگئے
لانڈھی اور اتحاد ٹاؤن میں گھر کے اندر کام کے دوران آگ لگنے سے خاتون اور2بچوں سمیت پانچ افراد جھلس کر زخمی ہوگئے ۔ تفصیلات کے مطابق لانڈھی تھانے کی حدود لانڈھی ایک نمبر گھر میں کام کے دوران جھلس کر ایک شخص زخمی ہوگیا جس کی شناخت 45سالہ شعیب ولد نور الدین کے نام سے ہوئی ،اس ضمن میں پولیس کا کہنا ہے کہ علاقے میں بجلی جانے کے بعد مضروب نے جنریٹر اسٹارٹ کر کے اس میں پٹرول ڈالنے کی کوشش کی اس دوران پٹرول جنریٹر پر گرا اور شارٹ سرکٹ کی وجہ سے آگ لگ گئی ۔
اتحاد ٹاؤن کے علاقے بلدیہ اتحاد ٹاؤن مکی مسجد کے قریب واقع گھر میں کام کے دوران آگ لگنے سے 44سالہ شفیق اسکی بیوی 42سالہ مقبولہ ،12سالہ محمد رفیق اور8سالہ شوکت جھلس کرزخمی ہوگئے جنہیں اہل محلہ نے ریسکیو ایمبولنس کے ذریعے اسپتال منتقل کیا ۔ پولیس کا کہنا ہے کہ حادثہ کچن میں موجود گیس پائپ لیک ہونے کے باعث پیش آیا۔