ایمز ٹی وی(کراچی) شہر قائد میں رینجرز نے کارروائی کر کے گینگ وار کمانڈرنور محمد عرف بابا لاڈلا کو دوساتھیوں سمیت ہلاک کردیا ۔
میڈ یا رپورٹس کے مطابق رات گئے رینجرز نے لیاری کے علاقے پھول پتی لین میں سرچ آپریشن کیا ہے، اس دوران فائرنگ کے تبادلے میں گینگ وار کمانڈر بابا لاڈلا دیگر 2ساتھیوں سمیت مارا گیاجبکہ تین ملزما ن تاریکی کا فائدہ اٹھاتے ہوئے فرار ہو گئے جن کی تلاش کیلئے سرچ آپریشن جاری ہے۔ ملزمان کی فائرنگ سے ایک رینجرز اہلکاربھی زخمی ہوا ہے ، ملزمان کے قبضے سے آٹومیٹیک اسلحہ اوردستی بم برآمد ہوا ہے۔
ترجمان رینجرز کا کہنا ہے کہ کارروائی علاقے میں ملزمان کی موجودگی کی اطلاع پرکی گئی، کارروائی کے دوران عمارتوں کی چھتوں سے ینجرزپرفائرنگ کی گئی۔ اس دوران نور محمد عرف بابا لاڈلامارا گیا جبکہ بابا لاڈلاکے2قریبی ساتھی بھی مقابلے میں مارے گئے۔ہلاک ہونے والا ملزم یاسین عرف ماما با با لاڈلا کا دست راست سمجھا جاتا تھا جبکہ ملزم سکندر بابا لاڈلا کا قریبی ساتھی اور بطور سہولت کار کام کرتا تھا ۔رینجرز کا کہنا ہے کہ ملزم سکندر عرف سکو 15سے زائد وارداتوں میں ملوث تھااور وہ جھٹ پٹ مارکیٹ بم دھماکے میں ملوث تھا ۔
انہوں نے بتا یا کہ بابا لاڈلا نے لیاری میں متعدد ٹارچر سیل بنا رکھے تھے اور وہ پولیس کو 74سے زائد وارداتوں میں مطلوب تھا ۔بابا لاڈلا کے سر کی قیمت 25لاکھ روپے جبکہ سکندر عرف سکو کے سر کی قیمت 10لاکھ روپے مقرر کی گئی
تھی ۔بابا لاڈلالیاری آپریشن کے آغاز سے غائب ہو گیا تھا، بابالاڈلا لیاری گینگ وار کا مطلوب ترین کردار تھا اور خوف کی علامت سمجھا جاتا تھا۔
تھی ۔بابا لاڈلالیاری آپریشن کے آغاز سے غائب ہو گیا تھا، بابالاڈلا لیاری گینگ وار کا مطلوب ترین کردار تھا اور خوف کی علامت سمجھا جاتا تھا۔