ایمز ٹی وی(کراچی)کراچی کی سیاست میں ایک بار پھر ہلچل پیدا ہو گئی ،متحدہ رہنما سلیم شہزاد خود ساختہ جلا وطنی ختم کر کے آج کراچی پہنچ رہے ہیں ۔
میڈیا رپورٹس کے مطابق متحدہ کے رہنما سلیم شہزاد طویل جلاوطنی کے بعد آج دبئی سے کراچی پہنچیں گے جہاں ایئر پورٹ پر انکے استقبال کیلئے کارکنوں کی آمد کا سلسلہ جاری ہے ۔
اپنے ٹویٹر پیغام میں سلیم شہزاد کا کہنا تھا کہ وہ آج کراچی پہنچ رہے ہیں ۔”کوئی جرم نہیں کیا اور نہ ہی گرفتاری سے ڈرتا ہوں “۔ مجھ پر لگائے گئے الزامات بے بنیاد ہیں جن کا جواب دونگا ۔
ذرائع کا کہنا ہے کہ سلیم شہزاد پر ایف آئی اے میں ایک مقدمہ قائم ہے جبکہ سابق مشیر پٹرولیم اور 462ارب روپے کی کرپشن اور دہشت گردوں کے علاج معالجے کے کیس میں ملوث پاکستان پیپلز پارٹی کے رہنما ڈاکٹر عاصم حسین کی سہولت کاری کے حوالے سے بھی ایک کیس قائم ہے جس پر انکی گرفتاری کا بھی امکان ہے ۔
متحدہ رہنما سلیم شہزاد نے اپنے ٹویٹر پیغام میں یہ بھی کہا تھا کہ کراچی آکر اپنے آئندہ کے لائحہ عمل کا اعلان کرونگا اور یہ بھی امکان ہے کہ وہ متحدہ چھوڑ کر پاک سر زمین پارٹی یا ایم کیو ایم پاکستان جوائن کر لیں۔