ایمز ٹی وی(کراچی)وزیراعلیٰ سندھ مراد علی شاہ نے کہا ہے کہ احتساب بل پاس کرنا اوراسے نافذ کرنا ہمارا آئینی حق ہے،نیب کرپشن روکنے میں ناکام ہوئی اس لئے اپنے قوانین بنائیں،مشرف نے ایمرجنسی کا فائدہ اٹھاتے ہوئے نیب بنایا،سندھ میں 12وزرا اوران سے زیادہ افسران نیب کاسامنا کررہے ہیں۔
میڈیا سے گفتگو کرتے ہوئے وزیراعلیٰ سندھ کا کہنا تھا بدقسمتی ہے وزیراعظم کو ہٹایا گیا کارروائی نیب کیخلاف ہونی چاہئے ، سندھ احتساب بل پریکطرفہ رائے قائم کی گئی۔
انہوں نے کہا سندھ کا سب سے بڑا مسئلہ امن و امان کا تھا امن و امان کا مسئلہ صرف سندھ کی اندرونی حالت کی وجہ سے نہیں، امن و امان میں دیگر صوبوں اور دیگر ملکوں کا بھی ہاتھ تھا۔
مراد علی شاہ کا کہنا تھا کیانیب کی اتنی کارروائیاں کہیں اورہوئی،سندھ کومفلوج کرنیکی سازش ہے،نیب مکمل طورپرناکام ہوگئی،ہمیں مجبورکیا گیا ہم اپنا قانون بنائیں، ہماری حکومت نے صوبے میں روڈ انفراسٹرکچرپرتوجہ دی۔