ایمز ٹی وی (کراچی) متحدہ قومی موومنٹ کی رابطہ کمیٹی کے رکن سینیٹر بابر غوری کا کہنا ہے کہ سندھ کی 80 فیصد متروکہ زمین کے مالک ہم ہیں اور یہ حق ہرقیمت پر لے کر رہیں گے۔ انہوں نے کہا اب غریب سندھی جاگ گیا ہے۔ سندھ میں کم از کم تین صوبوں سمیت ملک بھر میں نئے صوبے لازمی بنیں گے۔ اب مرنے جینے کی باتیں کرنے سے کام نہیں چلے گا۔ اپنا حق ہر قیمت پر لے کر رہیں گے۔ بابر غوری کا کہنا تھا کہ بلاول کس منہ سے کراچی کی بات کرتے ہیں۔ اگر کراچی پر مسلط ہونے کی کوشش کی گئی تو سندھ کے غریب ہاریوں کو غلامی سے نجات ہم دلائیں گے۔