ایمزٹی وی(کراچی)مسلم لیگ ن آج کراچی سے اپنی انتخابی مہم کا آغاز کرے گی اور صدر مسلم لیگ (ن) شہباز شریف دو روزہ دورے پر کراچی پہنچ رہے ہیں۔
شہباز شریف فیڈریشن ہاؤس کراچی کا دورہ کریں گے اور ایف پی سی سی آئی کے اراکین کے سامنے پارٹی کا انتخابی منشور اور معاشی ایجنڈہ پیش کریں گے۔ شہباز شریف شام میں مقامی ہوٹل میں پارٹی عہدے داروں سے ملاقات بھی کریں گے اور مفتاح اسماعیل کے حلقے میں انتخابی جلسے میں شریک ہوں گے۔
شہباز شریف کل اپنے دورے کے دوسرے روز خواتین تاجروں سمیت کاروباری شخصیات اور یوتھ کے نمائندوں سے ملاقاتیں بھی کریں گے جب کہ میڈیا کے سوالات کا بھی جواب دیں گے۔ لاہور ایئرپورٹ پر میڈیا سے گفتگو کرتے ہوئے شہباز شریف نے کہا کہ آج الیکشن مہم 2018 کا آغاز کر رہے ہیں، تب تک چین سے نہیں بیٹھیں گے جب تک پاکستان کو اسلامی فلاحی اور جمیوری ریاست نہ بنا لیں۔