کراچی: مشیر اطلاعات سندھ مرتضی وہاب نے کہا ہے کہ وفاقی حکومت نے مہنگائی کے پچھلے پانچ سال کے ریکارڈ توڑ دیئے ہیں۔مشیر اطلاعات سندھ مرتضی وہاب نے پریس کانفرنس سےخطاب کرتے ہوئےکہا کہ وفاقی حکومت نے پچاس لاکھ گھر اور ایک کروڑ نوکریاں دینے کا وعدہ کیا پر عمل آج تک نہیں ہوا
ان کا مزید کہنا تھا کہ گیس کی قیمتوں میں ایک سو تینتالیس فیصدجبکہ بجلی کی قیمتوں میں دو روپے سترپیسے اضافہ کردیا گیاہے گردشی قرضےایک اعشاریہ چار کھرب تک پہنچ گئی ہے
مرتضیٰ وہاب کا مزید کہنا تھا کہ سندھ کے حقوق کو پامال کیا جارہاہے۔ ستر فیصد گیس سندھ سے نکلتی ہے مگر یہاں گھریلو اور صنعتی صارفین کو لوڈشیڈنگ کا سامنا ہے