ایمز ٹی وی ( کراچی ) شعبہ پبلک ایڈمنسٹریشن کے اریب خان کا داخلہ منسوخ کر دیا گیا جبکہ عبداللہ رضوان شیخ پر جامعہ کراچی کیمپس میں داخلے پر پابندی عائد کردی گئی جامعہ کراچی کے رجسٹرار پروفیسر ڈاکٹر معظم علی خان کے اعلامیہ کے مطابق شعبہ پبلک ایڈمنسٹریشن کے پوسٹ گریجویٹ ڈپلومہ(PGD ) کے طالبعلم اریب خان ولد اسلم پرویز خان اورعبداللہ رضوان شیخ (سابق طالبعلم) شعبہ پبلک ایڈمنسٹریشن کو جامعہ کراچی کی قائم کردہ ڈسپلن کمیٹی کے فیصلے کے مطابق شعبہ پبلک ایڈمنسٹریشن اور جامعہ کراچی کی وقار اور ساکھ کو مجروح کرنے میں ملوث پایاگیا۔لہذاکمیٹی کے فیصلے کے مطابق طالب علم اریب خان کا داخلہ منسوخ کردیا گیا ہے اور آئندہ وہ جامعہ کراچی کے کسی بھی شعبہ یاپروگرام میں داخلے کا اہل نہیں ہوگا،جبکہ سابق طالبعلم عبداللہ رضوان شیخ نہ صرف جامعہ کراچی کے کسی شعبہ میں داخلہ کے اہل نہیں ہوں گے،بلکہ ان کی جامعہ کراچی( کیمپس) میں داخلے پر پابندی عائد کردی گئی ہے۔