ایمز ٹی وی(اسپورٹس) یوونٹس کے ہوم گراونڈ پر کھیلے گئے چیمپئنز لیگ کوارٹر فائنل کے سیکنڈ لیگ میں میزبان ٹیم نے پرتگالی کلب پورٹو کے خلاف ایک صفر سے کامیابی حاصل کی۔میچ کے 42 ویں منٹ میں یوونٹس کی جانب سے پولو ڈائی بالا نے پلنٹی کک پر گول کرکے ٹیم کو برتری دلائی۔
ڈائی بالا کی یہ برتری یوونٹس کو چیمپئنز لیگ کے کوارٹر فائنل میں پہنچانے کے لئے کافی ثابت ہوئی۔پورٹو نے میچ میں گول برابر کرنے کی کئی کوششیں کیں جو کارگر ثابت نہ ہوسکیں ۔
واضح رہے کہ یوونٹس نے پورٹو کو کوارٹر فائنل کے فرسٹ لیگ میں بھی دو صفر سے مات دی تھی ۔ا ٹالین کلب ایگریگیٹ کی بنیاد پر تین صفر سے جیت کر چیمپئنز لیگ کے کوارٹر فائنل میں پہنچ گیا۔
لیگ کے ایک اور پر ی کوارٹر فائنل میں انگلش کلب لیسٹر سٹی نے اسپینش کلب سیویا کے خلاف دو صفر سے کامیابی سمیٹی حالانکہ کوارٹر فائنل کے فرسٹ لیگ میں اسے سیویا نے ایک کے مقابلے میں دو گول سے شکست دے رکھی تھی ۔
کوارٹر فائنل میں جگہ بنانے کے لئے لیسٹر سٹی کو میچ بھی کم از کم دو گول کے مارجن سے جیتنا تھا۔ہوم گراؤنڈ پر لیسٹر سٹی کی ٹیم جس طرح کا آغاز چاہ رہی تھی مورگن نے بھی بالکل ویسا ہی کیا ۔ میچ کے 27 ویں منٹ میں گیند کو جال میں پہنچا کر لیسٹر سٹی کو برتری دلائی۔وقفے تک لیسٹر سٹی کو ایک صفر کی برتری حاصل رہی ۔
دوسرے ہاف کے آغاز ہی میں لیسٹر نے مخالف ٹیم کے گول پر اٹیک کئے جس میں کامیابی بھی ملی اور البرائٹن نے گول کرکے اپنی ٹیم کی برتری دگنی کردی۔میچ اسی اسکور پر ختم ہوا۔انگلش کلب نے ایگری گیٹ کی بنیاد پر تین دو سے کامیابی حاصل کرکے کوارٹر فائنل میں جگہ بنالی۔
لیسٹر سٹی کی اس فتح کے بعد چیمپئنز لیگ کے کوارٹر فائنل میں کوالیفائی کرنے والی ٹیموں کی تعداد چھ ہوگئی ۔ان ٹیموں میں بارسلونا ، بائرن میونخ، بروشیا ڈورٹمنڈ، ریال میڈرڈ،یوونٹس اور لیسٹرسٹی شامل ہیں ۔
اگلی دو ٹیموں کا فیصلہ آج رات ہوجائے گاجب اسپنش کلب ایٹلیٹیکو میڈرڈ جرمن کلب بائر لیور کیوسن سے مقابلہ کرے گی۔پری کوارٹر فائنل کے فرسٹ لیگ میں ایٹلیٹیکو میڈرڈ بائر لیور کیوسن کو چار دو سے زیر کرچکا ہے ۔لہٰذا اسے لاسٹ ایٹ میں پہنچنے کے لئے زیادہ دشواری نہیں ہوگی۔
دوسرے میچ میں فرانسیسی کلب موناکو کا مقابلہ انگلش کلب مانچسٹرسٹی سے ہوگا۔مانچسٹرسٹی کے آخری آٹھ ٹیموں میں پہنچنے کے امکانات خاصے روشن ہیں کیونکہ مانچسٹرسٹی نے مخالف ٹیم موناکو کو فرسٹ لیگ میں تین کے مقابلے میں پانچ گول سے شکست دی تھی۔