ایمزٹی وی (اسپورٹس) چیمپینز ٹرافی فتح کرنے کے بعد پاکستانی کھلاڑی پی سی بی کی جانب سے تو چھٹیوں پر ہیں مگر غیر ملکی لیگز اور کاﺅنٹی کرکٹ میں پاکستان کا ایسا نام روشن کر رہے ہیں کہ ان کی جتنی بھی تعریف کی جائے کم ہے۔ محمد عامر نے چیمپینز ٹرافی کے فائنل میچ میں جس قدر شاندار کارکردگی کا مظاہرہ کیا تھا، وہ ٹی 20 بلاسٹ ٹورنامنٹ میں بھی جاری رہا اور اب وہ انگلش کاﺅنٹی چیمپین شپ میں بھی بالکل ویسی ہی کارکردگی دکھا رہے ہیں۔

A maiden @CountyChamp five-wicket haul for @iamamirofficial ?

He was in special form for @EssexCricket on Sunday pic.twitter.com/QNPyOI9ruO

— County Championship (@CountyChamp) August 7, 2017

گزشتہ روز انہوں نے اس قدر شاندار باﺅلنگ کروائی کے مخالف ٹیم کے بلے باز اپنا سا منہ لے کر رہ گئے. انہوں نے 11.2 اوورز میں صرف 18 رنز کے عوض 5 کھلاڑیوں کو پویلین کی راہ دکھائی اور ان کی بہترین باﺅلنگ کی بدولت مخالف ٹیم محض 113 رنز پر ہی ڈھیر ہو گئی۔ ان کی اس جاندار باﺅلنگ کی شاندار ویڈیو بھی منظرعام پر آ گئی ہے جسے دیکھ کر آپ بے اختیار تالیاں بجانے پر مجبور ہو جائیں گے۔