ایمزٹی وی (اسپورٹس) ونٹر اولمپکس کی میزبانی پاکستان کاقریبی دوست چین کرےگا۔دو ہزار بائیس کے ونٹر اولمپکس کے لیے چین کے دارالحکومت بیجنگ اور قازقستان کے شہر الماتے میں مقابلہ تھا۔ انٹرنیشنل اولمپک کمیٹی کے پچاسی ممبران نے خفیہ رائے شماری کے ذریعے بیجنگ کو میگا ایونٹ کی میزبانی کے لیے منتخب کر لیا۔ بیجنگ دنیا کا پہلا شہر ہے جہاں دو ہزار آٹھ کے سمر اولمپکس کے بعد دو ہزار بائیس کے ونٹر اولمپکس بھی ہونگے۔ انٹرنیشنل اولمپک کمیٹی نے اپنے اجلاس میں دو ہزار بیس کے یوتھ اولمپکس کی میزبانی سوئٹزر لینڈ کے شہر لوزان کو دے دی۔ یوتھ اولمپکس تیسری مرتبہ منعقد ہونگے اور اس میں چودہ سے اٹھارہ سال کی عمر کے نوجوان حصہ لیں گے۔