پشاور: وکٹ کیپرو بیٹر محمد رضوان کا کہنا ہے کہ ایشیاکپ جہاں بھی ہو ہم کامیابی کیلیے بھرپور محنت کریں گے۔

پشاور میں میڈیا سے بات چیت کرتے ہوئے وکٹ کیپر بیٹر محمد رضوان نے کہا کہ ایشیا کے حوالے سے فیصلہ پاکستان کرکٹ بورڈ اور حکومت نے کرنا ہے جہاں بھی ایونٹ ہوا ہم نے وہاں کھیلنا ہے۔، سیریز کی تیاری کنڈیشنز کو مدنظر رکھتے ہوئے کرتا ہوں، قومی ٹیم کی کامیابی کے لیے بھرپور محنت کرتا اور توجہ اپنی کرکٹ پر ہی ہے ان کا کہنا تھا کہ ایشیاکپ جہاں بھی ہو ہم کامیابی کیلیے بھرپور محنت کریں گے۔

محمد رضوان کا کہنا تھا کہ انسان کی زندگی میں امتحانات آتے رہتے، ہم نے صرف صبر کرنا ہے، انھوں نے کہا کہ سینئر کھلاڑی آنے والے کرکٹرز کو پیغام دیتے ہیں کہ جتنی محنت کریں گے اس کا اتنا ہی صلہ ملے گا۔