ایمزٹی وی (اسپورٹس) پاکستان کرکٹ بورڈ کے چیئرمین شہریار خان کا کہنا ہے کہ قومی ٹیم کو حکومت کی جانب سے بھارت میں ٹی ٹوئنٹی ورلڈ کپ کھیلنے کی اب تک اجازت نہیں ملی۔ میڈیا سے گفتگو کرتے ہوئے شہریار خان کا کہنا تھا کہ پاکستان ٹیم کو بھارت میں ورلڈ ٹی ٹوئنٹی کھیلنے کی اب تک اجازت نہیں ملی جب کہ اس حوالے سے وزیراعظم سیکرٹریٹ سے رابطہ کیا لیکن کوئی جواب نہیں ملا تاہم پی سی بی کو وزیراعظم کی اجازت کا انتظار ہے۔ انہوں نے کہا کہ پی سی بی نے بھارت میں ہونے والے ٹورنامنٹ کے لئے حکومت سے اجازت مانگی ہے۔ چیئرمین پی سی بی نے کہا کہ پاکستان سپر لیگ کا 23 فروری کو ہونے والا فائنل میچ وزیراعظم نواز شریف مصروفیت کے باعث نہیں دیکھ سکیں گے۔