ایمز ٹی وی(کھیل)پی سی بی چیف سلیکٹر انضمام الحق کو انگلینڈ بھیجنے کے موڈ میں نہیں لگتا، حکام کا خیال ہے کہ تمام میچز ٹیلی ویژن پر نشر ہوں گے، ایسے میں وہاں بھیج کر لاکھوں روپے خرچ کرنے کا کوئی فائدہ نہیں ہوگا۔

اگر چیف سلیکٹر چاہیں تو اے ٹیم کے مقابلے دیکھنے انگلینڈ جا سکتے ہیں کیونکہ وہ ٹیلی کاسٹ نہیں ہوں گے، یوں انھیں نوجوان پلیئرز کی کارکردگی جانچنے کا موقع مل جائے گا۔ واضح رہے کہ شیڈول سے قبل انگلینڈ بھیج کر بورڈ ویسے ہی 50 لاکھ روپے کے اضافی اخراجات برداشت کر رہا ہے ایسے میں وہ مزید فضول خرچی کا متحمل نہیں ہو سکتا۔