Displaying items by tag: cancer

کراچی: محمدعلی جناح یونیورسٹی کراچی کے بائیو سائنسز کے شعبے کی جانب سے شوکت خانم میموریل کینسراسپتال اورریسرچ سینٹر کے اشتراک سے جمعہ 19 اکتوبر کومحمد علی جناح یونیورسٹی کی طالبات اور خواتین اساتذہ کے لیے کینسر کے موذی مرض کے حوالے سے خصوصی لیکچر کااہتمام کل کیا جائے گا جس کی مہمان اسپیکرشوکت خانم میموریل کینسراسپتال کی ڈاکٹررباب زہرہ"خواتین کاکینسر،علامات اور تشخیص" کے موضوع پرلیکچردیں گی۔ واضح رہے کہ گزشتہ چند برس کے دوران خواتین میں کینسر کی بیماری پھیلنے میں بہت اضافہ دیکھنے میں آیا ہے ،خاص طور پر نوجوان خواتین میں جس کے علاج میں بھی تاخیر کردی جاتی ہے جس سے ان کے لئے ضروری ہوگیا ہے کہ وہ اس سلسلے میں کسی قسم کی لاپروائی سے کام نہ لیں اور اس جانب فوری توجہ دیں۔

ماہرین کا کہنا ہے کہ اسپرین کئی قسم کے کینسر کے علاج میں مفید ہے۔ لندن کے سائنس دانوں نے کہا ہے کے ایسپرین کینسر کے علاج کے لئے مفید ہے ماہرین ایل وڈ کے مطابق ایسپرین کی کم خوراک دل دماغ فالج اور کینسر کی بیماریوں کے لئے مفید ثابت ہوئی ہے،اس سے قبل ممتاز طبی جرید نے ایک لینسٹ میں شائح شدہ رپورٹ میں بتایا ادھیڑ عمری میں کینسر کے شکار ہونے والے افراد میں ایسپرین فائدہ مند ثابت ہوئی گزشتہ برس پہلے چوہوں پر ریسرچ کے دوران یہ بات سامنے آئی تھی کہ کینسر کے مروجہ معالجے کے ساتھ ساتھ اگر اسپرین بھی استعمال کی جائے تو اس سے علاج کی اثر پزیری جلند بڑھ جاتی ہے اسی طرح ڈاکٹر پیٹر نے ۱۲،۰۰۰ ایسے مریضوں کا ڈیٹا نکالا جو کینسر کے مرض میں مبتلا تھے اور ایسپرین بھی استعمال کر رہے تھے اور پھر ایسے 4 لاکھ مریضوں کا ڈیٹا نکالا جو ایسپرین استعمال نہیں کر رہے تھے ماہرین دنگ رہ گئے تھے رپورٹس کے بعد جب انھوں نے دیکھا کہ جو ایسپرین استعمال کر رہے تھے ان میں سے زندہ بچ کی شرح 20 سے30 فیصد تھی اور جو استعمال نہیں کر رہے تھے ان میں زندہ بچ کی شرح کم تھی ۔ تاہم ماہرین اس ریسرچ پر مزید غور فکر کر رہے ہیں ،اور اس ریسرچ پر زور دے رہے ہیں۔

مشیر اطلاعات سندھ بیرسٹر مرتضی وہاب کا کہنا ہے کہ کراچی میں بچوں کے اغوا سے متعلق غلط خبریں پھیلائی جارہی ہیں۔

سندھ اسمبلی کے باہر میڈیا سے گفتگو میں مشیر اطلاعات سندھ بیرسٹر مرتضی وہاب کا کہنا تھا کہ کچھ روز سے سندھ حکومت اور اس کے اداروں سے متعلق منفی پروپیگنڈا کیا جا رہا ہے،کراچی میں بچوں کے اغوا سے متعلق غلط خبریں پھیلائی جارہی ہیں جب کہ اسٹریٹ کرائم یا بچوں کے اغوا کی شکایت ملتی ہیں تو حکومت کارروائی کرتی ہے۔

مرتضی وہاب نے کہا کہ اس سے پہلے این آئی سی وی ڈی کا بجٹ صرف 70 کروڑ تھا لیکن سندھ حکومت کی کوششوں سے آج اس کا بجٹ ساڑھے آٹھ ارب ہے، آج سندھ کے مختلف شہروں میں این آئی سی وی ڈی کے سینٹر چل رہے ہیں ملک بھر سے لوگ مفت علاج کرا رہے ہیں، جناح میں کینسر وارڈ میں بھی ملک بھر سے لوگ مفت علاج کرانے آتے ہیں لہذا میری درخواست ہے میڈیا سے کہ وہ ان اداروں کی درست تشہیر کریں۔

بیرسٹر مرتضی وہاب نے کہا کہ چیف جسٹس پاکستان ثاقب نثار جب جناح اسپتال کے دورے پر آئے تو خوش ہوکر گئے، انھوں نے جناح اسپتال کی بہتر کارکردگی پر انعام دیا، تھر پارکر کی بچی کا علاج جناح میں چل رہا ہے، یہ اسپتال سندھ حکومت کا ہے لیکن پی ٹی آئی والے ٹوئٹر پر صرف کریڈٹ لے رہے ہیں۔

ایمزٹی وی(لندن)برطانیہ میں تقریب سے خطاب کرتے ہوئے تحریک انصاف کے چیئرمین عمران خان کا کہنا تھا کہ ہم نے اقتدار کی کرسی کے بغیر ہی عوامی خدمات کے ادارے بنائے اور قوم کو پہلا کینسر اسپتال فراہم کیا تاکہ غریب افراد اپنے ہی ملک میں بیرون ملک قائم اسپتالوں جیسی سہولیات سے استفادہ کریں، میرے والد کا انتقال بیرون ملک کسی اسپتال کے بجائے شوکت خانم میں ہوا، میں بھی متعدد بار علیل ہوا تو علاج شوکت خانم میں ہوا اس کی وجہ یہ ہے کہ اپنے ہاتھوں سے تعمیر کئے گئے ادارے پر مجھے اعتماد ہے ایسی حکمرانی کاکیا فائدہ جس میں انسان اپنے ہی اداروں پراعتماد نہ کرسکے۔ اور زکام بھی ہو تو جہاز پکڑ کر باہر بھاگنے میں عافیت سمجھی جائے۔

عمران خان نے کہا کہ ہم نے نمل یونیورسٹی قائم کی جس میں 92 فیصد طلبا مفت تعلیم حاصل کررہے ہیں اورکالج نے تعلیمی میدان میں اپنا مقام بنایا اور زرعی معیشت کے موضوع پر دنیا کی بہترین جامعات سے الحاق کیا، اب کے پی کے حکومت کے حوالے سے بھی چیف جسٹس کے اچھے ریمارکس آئے، انہوں نے پختون خوا ہ انتظامیہ کی تعریف کی کیوں کہ وہاں افسر شاہی کی تقرریوں کی بنیاد اہلیت اور قابلیت ہے، چیف جسٹس کی سمت بالکل درست ہے اور وہ عام آدمی کے مسائل سن رہے ہیں۔

ان کا کہنا تھا کہ اگر اقتدار میں آئے تو اداروں کی اصلاح کے لئے بیرون ملک پاکستانیوں سے خدمات لیں گے اور کرپٹ سیاستدانوں کو باکسنگ رنگ میں پاکستانی نڑاد معروف برطانوی باکسر عامر خان کے حوالے کروں گا۔

ایمز ٹی وی(مانیٹرنگ ڈیسک) خون کے اس نئے ٹیسٹ کو کینسر سیک کا نام دیا گیا ہے،عام طور پر سرطان کی شناخت ایک بہت مشکل عمل ہوتا ہے کیونکہ ان کے لیے مہنگے اور پیچیدہ طریقے استعمال ہوتے ہیں،اب کینسر سیک ٹیسٹ کے لیے خون کے ایک نمونے سے کئی اہم اقسام کے کینسر کی شناخت کی جاسکتی ہے ۔ اس ٹیسٹ کو تجرباتی طور پر ایک ہزار سے زائد افراد پر آزمایا گیا جس سے اس کی افادیت اور حساسیت دونوں ثابت ہوگئی۔ جان ہاپکنز یونیورسٹی اسکول آف میڈیسن ، بالٹی مور کے ماہرین نے اس کے اولین نتائج بین الاقوامی شہرت یافتہ جریدے ’سائنس‘ میں شائع کرائے ہیں۔ کینسر سے نجات میں اس کی بروقت شناخت سے زیادہ کوئی اور شے اہم نہیں کیونکہ پہلے اور دوسرے درجے والا سرطان قابو کیا جاسکتا ہے، اسی لیے کینسر کی شناخت کے نئے طریقے بہت اہمیت رکھتےہیں،

جب کوئی سرطانی رسولی بنتی ہے تو خون میں تبدیل شدہ ڈی این اے کے چھوٹے چھوٹے ٹکڑے شامل ہوجاتے ہیں جنہیں ہم اس کینسر کی نشانی (بایومارکر) کہتے ہیں۔ نیا بلڈ ٹیسٹ 16 جینیاتی تبدیلیوں اور آٹھ پروٹین کے مارکر بھانپ سکتا ہے جو اپنے اپنے کینسر کو ظاہر کرتے ہیں، ان میں پھیپھڑوں، چھاتی، بڑی آنت، جگر، معدے، لبلبے اور ایسوفیگل کینسر شامل ہیں۔ جان ہاپکنز یونیورسٹی کے ماہر ڈاکٹرکرسچیان ٹوماسیٹی کہتے ہیں کہ یہ ٹیسٹ بہت سی جینیاتی تبدیلیوں اور پروٹین کو ایک ساتھ دیکھ کر فیصلہ کرتا ہے کہ کون سا کینسر لاحق ہوا ہے، اس کے بعد انہیں 1005 افراد پرآزمایا گیا جنہیں ان آٹھ میں سے ایک سرطان لاحق تھا۔

اس ٹیسٹ میں کینسر شناخت کرنے کی شرح 70 فیصد تھی، بریسٹ کینسر میں اس کی حساسیت 33 فیصد اور بیضہ دانی کے کینسر کی شرح 98 فیصد تھی جب کہ بقیہ پانچ کینسروں کے بارے میں اس کی حساسیت 69 سے 98 فیصد تھی، اگلے مرحلے میں اسے مکمل صحتمند افراد پر آزمایا گیا۔ 812 ایسے افراد لیے گئے جنہیں کسی طرح کا کوئی سرطان نہ تھا اور ان میں سے صرف 7 افراد کو اس نے مریض بتایا جسے فالس پوزیٹو تشخیص کہتے ہیں۔ اس ٹیسٹ نے ٹیومر کی شناخت بھی 83 فیصد درستگی سے کی جو ایک بہت اہم بات ہے۔ واضح رہےکہ کینسر اس وقت ایک بڑا چیلنج ہے اور اس کی اولین شناخت کے لیے دنیا بھر میں تحقیق کی جارہی ہے۔

ایمز ٹی وی(صحت)لبلبے کا سرطان عموماً بہت مشکل سے شناخت ہوتا ہے اور جب تک اس کا پتا چلتا ہے تو پانی سر سے اونچا ہوچکا ہوتا ہے۔ اس ضمن میں واشنگٹن یونیورسٹی کے ماہرین نے ایک ایپ تیار کی ہے جس سے اس جان لیوا مرض کی شناخت ہوسکتی ہے۔ لبلبے کے سرطان کی ابتدائی علامات میں پیلیا (جوانڈائس) کا مرض، جلد اور آنکھوں کی نمایاں پیلاہٹ شامل ہوتی ہیں۔ اس کی وجہ یہ ہے کہ خون میں بلی ریوبِن نامی کیمیکل کی مقدار بڑھ جاتی ہے اور وہ جلد کی رنگت میں نمایاں ہوجاتی ہے۔ حال ہی میں لبلبے کے سرطان کو پیشاب کے ایک ٹیسٹ کے ذریعے کامیابی سے شناخت کرنے کا ایک طریقہ بھی سامنے آیا ہے۔

تاہم خون میں بلی ریوبِن کی مقدار کو صرف خون کے ٹیسٹ سے ہی پکڑا جاسکتا ہے اور اس کی زیادتی کئی امراض کی وجہ ہوتی ہے۔ اس کی شناخت کےلیے یونیورسٹی آف واشنگٹن کے ماہرین نے ایک سیلفی ٹیسٹ وضع کیا ہے، جس کی ایپ کو ’’بلی اسکرین‘‘ کا نام دیا گیا ہے۔ ایپ میں ایک الگورتھم کام کرتا ہے جو آنکھوں میں اس کی زیادتی کو نوٹ کرکے خبردار کرتا ہے۔ بالغ افراد کی آنکھوں کا سفید حصہ بلی ریوبِن کی زیادتی کو اچھی طرح ظاہر کرتا ہے اور ڈاکٹر اسے کسی آلے کی مدد سے بہ آسانی دیکھ سکتے ہیں لیکن اس صورت میں بھی بہت دیر ہوچکی ہوتی ہے۔ایپ کے ذریعے آنکھوں کی سیلفی لے کر آنکھوں میں اس کیمیکل کی افزائش اور موجودگی کو بڑی حد تک شناخت کیا جاسکتا ہے جو لبلبے کے سرطان کی ایک علامت بھی ہوسکتی ہے۔

تجرباتی طورپر اسے 70 افراد پر آزمایا گیا تو روایتی بلڈ ٹیسٹ کے مقابلے میں 89 فیصد درستگی سے بلی ریوبِن کی بڑھتی ہوئی مقدار کو شناخت کرلیا گیا۔ اس کے لیے ایک خاص باکس کو سامنے رکھ کر، آنکھیں کھول کر اس کی سیلفی لینی ہوتی ہے۔ اس کے بعد سافٹ ویئر آنکھوں سے منعکس ہونے والی روشنی کا ویولینتھ (طول موج) نوٹ کرتا ہے اور بتاتا ہے کہ جسم میں بلی ریوبن کی مقدار کتنی بڑھ چکی ہے۔ اس طرح یہ لبلبے کے سرطان کو ابتدائی درجے میں بھی شناخت کرسکتا ہے۔