Reporter SS
ایمز ٹی وی (انٹرٹینمنٹ)کیریئر کا آغاز چھ برس کی عمر میں کیا ، ''میرے انگنے میں تمہارا کیا کام ہے '' نے بالی ووڈ میں ایک نئی پہچان دی بالی ووڈ کی مشہور پلے بیک سنگر الکا یاگنک کی آج 51 ویں سالگرہ ہے ۔ الکا کی مسحور کن آواز کے کروڑوں مداح ہیں ۔ الکا یاگنک کی میٹھی آواز سننے والوں کے دلوں میں اتر جاتی ہے ۔ الکا کی والدہ شوبھا یاگنک بھی گلوکارہ تھیں لیکن بیٹی نے شہرت زیادہ کمائی ۔ لکشمی کانت پیارے لال ، انو ملک ، اے آر رحمٰن ، ہمیش ریشمیا الکا نے کئی موسیقاروں کے ساتھ کام کیا ۔
الکا یاگنک کی خوبصورت آواز شائقین کے دلوں کو چھو لیتی وہ اب تک 2500 بالی ووڈ گانے گا چکی ہیں ۔ آشا بھوسلے ، لتا منگیشکر ، محمد رفیع اور کشور کمار کے بعد الکا یاگنک بالی ووڈ کی پانچویں بڑی گلوکارہ ہیں ۔ 36بار فلم فئیر ایوارڈ کے لیے نامزدگی حاصل کرنے والی اس پس پردہ گلوکارہ کو سات بار یہ اعزاز حاصل ہوا ۔
الکا یاگنک نے کیریئر کا آغاز چھ سال کی عمر میں کیا اور بعد ازاں فلم لاوارث کے گیت میرے انگنے میں تمہارا کیا کام ہے نے انہیں شہرت کی بلندیوں پر پہنچا دیا ۔ الکا یاگنگ نے بالی ووڈ کے تمام مشہور گلوکاروں کے ساتھ ڈوئٹ بھی گائے لیکن ان کی جوڑی گلوکار کمار سانو کے ساتھ زیادہ مشہور ہوئی اور ان دونوں کے گائے ہوئے ڈوئٹ گیتوں کو بالی ووڈ میں بے حد پذیرائی حاصل ہوئی ۔
ایمز ٹی وی (تجارت) پلاننگ کمیشن کے حکام نے کہا ہے کہ55 ارب ڈالر مالیت سے زائدکا پاک چین اقتصادی راہداری منصوبہ پاکستان کو تیز رفتار اقتصادی ترقی کی شاہراہ پر لے جائے گا،طویل، کشادہ اور محفوظ سڑکوں کے منصوبوں کی تکمیل پاکستانی عوام کیلئے روشن مستقبل کی نوید ہو گی۔ پلاننگ کمیشن کی دستاویزات کے مطابق وفاقی حکومت نے مالی سال 2016-17 کے سرکاری شعبہ کے ترقیاتی پروگراموں میں وزارت مواصلات کے 84منصوبوں کیلئے ایک کھرب 93ارب 28 کروڑ 52لاکھ 65 ہزار روپے مختص کئے ہیں۔ گزشتہ سال کے آخر میں بیجنگ میں مشترکہ تعاون کمیٹی ( جے سی سی) نے ٹرانسپورٹ انفراسٹرکچر کے دو بڑے منصوبوں ملتان سکھر موٹر وے اورقراقرم ہائی وے کے حویلیاں تھاکوٹ سیکشن کو سی پیک کیلئے اہم سنگ میل قرار دیتے ہوئے اس پر کام کی رفتار اور اس ضمن میں پاکستانی حکومت کی جانب سے کی جانے والی سیکیورٹی و دیگر انتظامی اقدامات پر اطمینان کا اظہار کیا ہے ۔ جے سی سی نے روڈ انفراسٹرکچر کے تین دیگر منصوبوں کی بھی منظوری دیتے ہوئے اس کی فوری فنانسنگ کیلئے متعلقہ اداروں کو تمام کارروائی مکمل کرنے کی ہدایت جاری کردی ، منصوبوں میں سی پیک روٹ پر قراقرم ہائی وے تھاکوٹ تا رائیکوٹ136کلومیٹرشاہراہ کی بحالی، بلوچستان کے عوام کیلئے اہم منصوبے خضدار ۔بسیمہ شاہراہ اورمغربی روٹ پر ڈیرہ اسمعیل خان ژوب روڈ کی اب گریڈیشن کا منصوبہ شامل ہے۔
ایمز ٹی وی (انٹرٹینمنٹ) ودیا بالن کے بعد کالکی کوچلن بھی ہندو انتہا پسندوں اور بھارتی حکومت کی جانب سے بالی ووڈ کو سیاست میں گھسیٹنے پر سیخ پا ہوگئیں۔بالی ووڈ میں پاکستانی فنکاروں کے کام کرنے پر پابندی عائد ہے جس پر فلم نگری کے کئی ہدایتکار و اداکار بھی پابندی کی سخت مخالفت کر چکے ہیں۔اس حوالے سے ایک تازہ بیان اداکارہ کالکی کوچلن نے دیا ہے۔انہوں نے کہا کہ بالی ووڈ کو پاک بھارت کشیدگی میں زبردستی گھسیٹا جاتا ہے ، فلم نگری کوئی این جی او نہیں جو ملک کے ہر سیاسی مسئلے میں اٹھ کھڑی ہوگی بلکہ ایک بزنس کی کمائی کا ذریعہ ہے جسے سیاست سے دور رکھنا چاہیے۔
ایمز ٹی وی (انٹرٹینمنٹ)خوف اور دہشت سے بھرپور ہالی ووڈ تھرلر فلم 47 میٹرز ڈاؤن کا نیا ٹریلرجاری کردیا گیا۔ فلم کی کہانی دو ایسی بہنوں کے گرد گھومتی ہے جو سیر و تفریح کیلئے زیر سمندر موجود پنجرے میں قید ہوکر آبی حیات کا نظارہ کرنے جاتی ہیں لیکن بری طرح پھنس جاتی ہیں ۔سنسنی خیزمناظر سے بھرپور یہ فلم تیئس جون کوسینما گھروں کی زینت بنے گی ۔
ایمز ٹی وی (تجارت)منجمد پنشن اکائونٹس بحال کرتے ہوئے پنشن فنڈ اکائونٹ اور سکیورٹی فنڈ اکائونٹ کھولنے کا حکم دیدیا ہے۔ یہ اکائونٹ 31دسمبر کو منجمد کئے گئے تھے۔
محکمہ لوکل گورنمنٹ کے نوٹیفکیشن میں کہا گیا ہے کہ میٹرو پولیٹن‘ میونسپل کارپوریشنز‘ ڈسٹرکٹ کونسلز‘ میونسپل کمیٹیوں اور ایسی یونین کونسلیں جہاں پہلے پنشن اکائونٹ تھے وہ اب پنجاب بینک یا نیشنل بینک میں اکائونٹ کھلوا لیں۔ یہ اکائونٹ پنجاب لوکل گورنمنٹ اکائونٹس رولز 2017ء اور پنجاب یونین کونسلز اکائونٹس رولز 2017ء کے تحت پہلے وضح کئے گے طریقہ کار کے تحت مشترکہ طور پر آپریٹ ہونگے۔
میونسپل کارپوریشن راولپنڈی نے ضلعی انتظامیہ سے پنشنرز کا ریکارڈ اور پنشن فنڈز فراہم کرنے کیلئے مراسلہ بھجوا دیاہے
ایمز ٹی وی(راولپنڈی ) کینٹ کی سول آبادیوں میں صفائی کی صورتحال بہتر نہیں ہو سکی ہے ،نالیاں گندگی سے اٹی پڑی ہیں جبکہ کینٹ ایریاز میں نالوں کی صفائی بھی نہیں ہو سکی ہے ، صفائی کا عملہ وی آئی پی ایریاز اور مین شاہراہوں پر صفائی کرنے میں مصروف عمل نظر آتا ہے جبکہ سول آبادیوں جہاں سے زیادہ تر ٹیکس وصول کیا جاتا ہے وہاں یہ عملہ کم ہی نظر آتا ہے ، مغل آباد پارک کے ساتھ ڈمپنگ پوائنٹس پر جمع کوڑے کا ڈھیر ماحول کو پراگندہ کر رہا ہے ، رہائشی آبادیوں کے اندر قائم بھینسوں کے باڑوں نے بھی یہاں کے مکینوں کی زندگی اجیرن بنا رکھی ہے ، بدبو اور تعفن کے باعث ایسی آبادیوں میں رہنا مشکل ہو چکا ہے ، رحیم آباد ، مریڑ حسن ، ڈھوک چراغدین، قاضی آباد ، ڈھوک چوہدریاں ، ٹاہلی موہری ، پیپلز کالونی میں کھلے غیرقانونی بھینسوں کے باڑوں کی وجہ سے سیوریج کے مسائل پیدا ہو رہے ہیں ، گوالے بھینسوں کا گوبر نالیوں میں بہادیتے ہیں جس کی وجہ سے جہاں سیوریج کے مسائل پیدا ہو رہے ہیں وہاں تعفن پھیلا رہتا ہے ، پیپلز کالونی کے خالی پلاٹوں میں کوڑے کے ڈھیر لگے رہتے ہیں ، رحیم آباد کی مین نالے والی گلی گندگی سے بھری ہوئی ہے جبکہ اس آبادی کے گرد سے گزرنے والے نالوں کی بھی صفائی نہیں کی گئی ہے ، ٹاہلی موہری پرانی آبادی سے گزرنے والے نالوں کی بھی صفائی نہیں کی گئی ہے جبکہ نالیوں کی صفائی نہ ہونے سے نالیاں گندگی سے بھری ہوئی ہیں ، جھنڈا چیچی کے دونوں ڈمپنگ پوائنٹس پر کوڑا جمع رہتا ہے۔ ،شہریوں کا کہنا ہے کہ صفائی کے دعوے تو بہت کئے جاتے ہیں مگر عملاً موقع پر صورتحال اس کے بالکل برعکس ہے۔