Reporter SS
ایمزٹی وی(اسلام آباد/تعلیم) فیڈرل اردو یونیورسٹی اسلام آباد کیمپس میں 2014سے جاری کئے گئے ماسٹرز ان بینکنگ اینڈ فنانس (ایم بی ایف) کے طلبہ ڈگری مکمل کرنے کے بعد بھی ڈی ایم سی سے مسلسل محروم ہیں ، چھ ماہ سے زائد عرصہ گزر گیا ، یونیورسٹی انتظامیہ حیلے بہانوں سے کام لینے لگی، نو جوانوں کا مستقبل تاریک ہونے کا خدشہ ، دو طلبا نے یونیورسٹی کے خلاف وفاقی محتسب کو درخواست دے دی وفاقی اردو یونیورسٹی اسلام آباد کیمپس میں 2014 میں دو سالہ ماسٹرز ان بینکنگ اینڈ فنانس (ایم بی ایف) کا اجرا ء کیا گیا تھا ، پہلے بیچ میں پندرہ کے قریب طلبا و طالبات انرو ل ہوئے ، دو سال گزرنے پر کامیاب طلبا و طالبات نے ڈی ایم سی حاصل کرنے کے لئے اپلائی کیا مگر چھ ماہ گزرنے پر بھی انہیں تفصیلی نتیجہ نہ مل سکا ، تنگ آ کر ایم بی ایف کے دو طلبااردو یونیورسٹی انتظامیہ کے خلاف کیس وفاقی محتسب میں لے گئے ، یونیورسٹی انتظامیہ نے معاملے کو ختم کرنے کے لئے مذکورہ دو طلبا کو کراچی مین کیمپس سے ڈی ایم سی منگوا دیں مگر باقی طلبا و طالبات تا حال محروم ہیں۔ ایک طالب علم حمزہ نے میڈیا سے بات کرتے ہوئے بتایا کہ ہم گزشتہ آٹھ ماہ سے ڈی ایم سی کے حصول کے لئے دھکے کھا رہے ہیں ۔
ایمز ٹی وی (انٹرٹینمنٹ)ہالی وڈ اداکارہ اسکارلیٹ جانسن کی ایکشن سے بھرپور نئی سائنس فکشن فلم’گھوسٹ اِن دی شیل‘31مارچ کو سینما گھروں کی زینت بنے گی- کچھ روز قبل اس فلم کاٹوکیو میں رنگا رنگ پریمیئر منعقد کیا گیا جس میں فلم کی کاسٹ نے ریڈ کارپٹ پر جلوے بکھیرے۔مداحوں نے فلم کی کاسٹ کا بھرپور استقبال کیا اور ستاروں کے ساتھ سیلفیاں آٹو گراف لیتے دکھائی دئیے۔ ہدایتکارروپرٹ سینڈرز کی یہ فلم جاپانی ویڈیو گیم سے متاثر ہو کر بنائی گئی ہے ۔ اس کی کہانی سائبرگ سسٹم کی ٹاسک فورس کی قابل ترین افسر کے گِرد گھوم رہی ہے، جس نے دشمنوں کے کئی مشن ناکام کرتے ہوئے اپنی ذہانت کا ثبوت پیش کیا۔ اب اس کا سامنا کمپیوٹر ہیکرز اور سائبر کرمنلز کی انوکھی دنیا میں موجود روبوٹس کی خطرناک ترین مصنوعی ٹیکنالوجی سسٹم سے ہوتا ہے۔ اس فلم میں کئی زیر اثر مشینوں پر قابوپانے کیلئے خطرناک مراحل کا سامنا کرنا پڑتا ہے ۔ایوی ایریڈ اور اسٹیون پال کی مشترکہ پروڈکشن میں بننے والی اس ایکشن ڈرامہ فلم میں مرکزی کردار میں اسکارلیٹ جانسن دکھائی دیںگی۔ فلم کی دیگر کاسٹ میں مائیکل پٹ، پیلائو ایسبیک، ٹکیشی کیٹانو،چِن ہان، لیزورس لیٹورے اور جولیٹ بینوچی شامل ہیں۔ ڈریم ورلڈ پکچرز کی تیار کردہ ایکشن ، کرائم اور ڈرامے سے بھرپور مناظر کی عکاسی کرتی یہ سائنس فکشن فلم پیرا مائونٹ پکچرز کے تحت31مارچ کو سینما گھروں کی زینت بنائی جائے گی۔
ایمز ٹی وی (انٹرٹینمنٹ) بالی ووڈ ہدایت کار اور فلم ساز راج کمار ہیرانی کی 'منا بھائی ایم بی بی ایس'، 'لگے رہو منا بھائی'، 'تھری ایڈیٹس' اور 'پی کے' جیسی بلاک بسٹر فلموں میں اپنی کامیڈی سے فلم بینوں کو محظوظ کرنے والے بومن ایرانی کہتے ہیں کہ اگر 'منا بھائی تھری' میں انہیں کاسٹ نہ کیا گیا تو وہ راج کمار ہیرانی کو نہیں چھوڑیں گے۔ گذشتہ دنوں فلم ساز کی جانب سے منا بھائی سیریز کی نئی فلم کا اعلان سامنے آنے کے بعد بومن ایرانی کی خوشی دیدنی تھی۔ انڈین ایکسپریس کی ایک رپورٹ کے مطابق بومن ایرانی کا کہنا تھا کہ 'میں نئی فلم کے لیے بہت پرجوش ہوں، سرکٹ اور منا بھائی اس فلم کا حصہ ضرور ہوں گے لیکن میری موجودگی کنفرم نہیں، فلم کے ہر حصے میں تیسرا کردار تبدیل ہوتا رہا ہے'۔ ساتھ ہی ان کا کہنا تھا کہ 'اگر راج کمار ہیرانی منا بھائی کی نئی فلم میں مجھے کاسٹ نہیں کرتے تو میں انہیں ڈرا دھمکا کر خوف زدہ کردوں گا'۔ بومن کا مزید کہنا تھا کہ اس وقت راج کمار ہیرانی سنجے دت کی زندگی پر بننے والی فلم کی عکس بندی میں مصروف ہیں لیکن جیسے ہی یہ کام مکمل ہوجاتا ہے وہ منا بھائی کی عکس بندی کا آغاز کردیں گے۔ خیال رہے کہ بومن ایرانی، منا بھائی سیریز کی پچھلی دو فلموں میں اہم کردار ادا کرچکے ہیں، پہلی فلم میں ان کا کردار ڈاکٹر استھانا کا تھا جبکہ دوسرے حصے میں انہوں نے ایک کاروباری شخص لکی سنگھ کا کردار نبھایا تھا۔ فلم کے دونوں حصوں میں بومن ایرانی کی اداکاری کو کافی سراہا گیا تھا، یہی وجہ ہے کہ وہ پرامید ہیں کہ فلم ساز نئی فلم میں بھی انہیں کاسٹ کریں گے اور اگر نہیں بھی کرنا چاہتے تو اب دھمکی سن کر انہیں ایسا کرنا ہی پڑے گا۔
ایمز ٹی وی (انٹرٹینمنٹ)چاند پر قدم رکھنے والے دوسرے انسان، خلا باز بز آلڈرن نے اپنی فلم میں مریخ پر انسانوں کی رہائش کے بارے میں اپنے خیالات کا اظہار کیا ہے۔ برطانوی نشریاتی ادارے کے مطابق ـسا یئکلنگ پاتھ ویز ٹو مارز نامی یہ فلم صرف دس منٹ کی ہے ، اس میں بز آلڈرن ایک ہولوگرام کی شکل میں اپنی کہانی اور منصوبے سنا رہے ہیں۔ بز آلڈرن کے منصوبے میں مریخ جانے والے لوگوں کے لیے زمین اور مریخ کے چاندوں کو بطور اسٹاپ ا ستعمال کیا جائے گا۔ زمین سے مریخ کا سفر چھ ماہ کی مدت کا ہوگا۔ بات چیت میں ان کا کہنا تھا کہ انھیں امید ہے کہ فلم کی وجہ سے مختلف حکومتوں کی توجہ مریخ کے سفر کے بارے میں مشترکہ پلان بنانے پر مرکوز ہو سکے گی۔ انھوں نے کمپنی اسپیس ایکس کے چیف ایگزیکٹو ایلون مسک کی جانب سے خلائی سفر میں سرمایہ کاری کو خوش آئند قرار دیا تاہم ان کا کہنا تھا کہ اس سلسلے میں قیادت حکومتوں کو کرنی چاہیے نہ کہ کمپنیوں کو۔ بز آلڈرن کا یہ بھی کہنا تھا کہ مریخ پر ابتدائی طور پر سفر کرنے والے لوگوں کو شدید مشکلات کا سامنا کرنا پڑے گا۔