ایمزٹی وی (تعلیم)اسلام آباد میڈیکل اینڈ ڈینٹل کالج بھا رہ کہو کادوسرا کانووکیشن آج ہوگا۔تفصیلات کے مطابق مہمان خصوصی وزیر مملکت برائے کیڈ ڈاکٹر طارق فضل چوہدری جناح کنو نشن سینٹر میں ایم بی بی ایس اوربی ڈی ایس کے 279 گریجویٹس میں ڈگریاں تقسیم کریں گے ۔

ایمزٹی وی (اسلام آباد) وزیراعظم کے معاون خصوصی طارق فاطمی کا کہنا ہے کہ ایف سولہ طیاروں کے معاملے پر کانگریس کو رضامند کرنا اوباما انتظامیہ کی ذمہ داری ہے اور یہ سودا ابھی ختم نہیں ہوا ہے۔ برطانوی نشریاتی ادارے کو دیئے گئے انٹرویو میں طارق فاطمی نے کہا کہ امریکی کانگریس کچھ حد تک بیرونی ممالک کو فوجی مالی امداد کی مخالف ہے لیکن امریکی انتظامیہ کی طرف سے پاکستان کی فوجی امداد کی پیش کش اپنی جگہ موجود ہے جب کہ کانگریس کو رضامند کرنا اوباما انتظامیہ کی ذمہ داری ہے اور یہ سودا ابھی ختم نہیں ہوا ہے۔ انہوں نے کہا کہ اس معاملے پر پاکستان کا مؤقف مضبوط ہے کیونکہ پاکستان دہشت گردی کے خلاف ہر اول دستے کا کردار ادا کررہا ہے اس لیے پاکستان کو یہ امداد فراہم کردی جائے گی۔ طارق فاطمی نے کہا کہ ایف سولہ طیاروں کے معاملے پر امریکی انتظامیہ سے بات چیت جاری ہے اور پاکستان کے سفارت کار کانگریس اراکین کو اپنے مؤقف سے آگاہ کرنے کی کوشش کررہے ہیں۔ انہوں نے کہا کہ پاکستان کی جانب سے مانگے گئے 8 ایف سولہ طیارے دہشت گردی کے خلاف جنگ میں انتہائی اہم کردار ادا کرسکتے ہیں جس کا امریکا کو بھی پوری طرح احساس ہے۔ وزیراعظم کے معاون خصوصی کا کہنا تھا کہ گزشتہ 2 سال میں پاکستان دہشت گردی کے خلاف آپریشن میں اپنے محدود وسائل کے باوجود 2 ارب ڈالر خرچ کرچکا ہے جب کہ یہ آپریشن نہ صرف پاکستان کے اپنے مفاد میں ہے بلکہ اس کا فائدہ امریکا اور افغانستان کے علاوہ خطے کے دوسرے ممالک کو بھی پہنچ رہا ہے۔ طارق فاطمی نے امید ظاہر کی کہ امریکی انتظامیہ کانگریس کو اس معاملے پر رضامند کر لے گی بصورت دیگر امریکا کے پاس اور بھی بہت راستے ہیں۔ واضح رہےکہ امریکی سینیٹ کی خارجہ امور کی کمیٹی کے احکامات پر امریکی حکام نے پاکستان کو ایف 16 طیاروں کی خریداری کی مد میں دی جانے والی امداد روک لی ہے۔

ایمزٹی وی(اسلام آباد)چیف جسٹس انور ظہیر جمالی ترکی سے وطن واپس پہنچ گئےہیں۔جس کے بعد حکومت کی طرف سے پاناما لیکس کی تحقیقات پرکمیشن بنانے کے لیے لکھے گئے خط پر 72 گھنٹے میں اہم پیش رفت متوقع ہے۔ تفصیلات کے مطابق حکومت نے 22 اپریل کو پاناما لیکس کی تحقیقات کے لیے چیف جسٹس کو کمیشن بنانے کا خط لکھا ۔ چیف جسٹس انور ظہیر جمالی خط پر طائرانہ نظر ڈال کر ترکی سدھار گئے ۔ تاہم اب جیف جسٹس کی واپسی کے بعد کمیشن کے حوالے سے آئندہ 72 گھنٹے انتہائی اہم ہیں۔

ایمزٹی وی (کراچی) اربوں روپے کی لاگت سے تیار سندھ اسمبلی کی سیکیورٹی پر لاکھوں روپے خرچ کئے جانے کے باوجود ناقص سیکیورٹی کا پال کھول گیا۔
تفصیلات کے مطابق سندھ اسمبلی کا اجلاس اسپیکر آغا سراج درانی کی صدارت میں جاری تھا کہ اس وقت اچانک ہلچل مچ گئی جب ایوان میں موجود ایک شخص سے پستول برآمد ہوا، سیکیورٹی حکام نے مشکوک شخص سے پستول برآمد کر کے اسپیکر سندھ اسمبلی کے پاس جمع کرادیا جب کہ متعلقہ شخص کو گرفتار کر کے پولیس کے حوالے کردیا گیا۔ واقعہ کے بعد سندھ اسمبلی اور اطراف کی سیکیورٹی بڑھادی گئی اور ہر اندر آنے والے ہر شخص کی جامعہ تلاشی شروع کردی گئی۔
دوسری جانب وزیر داخلہ سندھ سہیل انور سیال کا سندھ اسمبلی سے اسلحہ برآمد ہونے کے واقعہ پر کہنا ہے کہ مسلح شخص نے زبردستی اسمبلی میں داخل ہونے کی کوشش کی لیکن سیکیورٹی اہلکاروں نے اسلحہ لانے والے شخص کو مرکزی دروازے سے اندر جانے سے روکا، مسلح شخص کے ساتھی نے سیکیورٹی اہلکاروں کو داخلے سے روکنے پر منع کردیا جس پر مسلح شخص زبردستی اندر داخل ہو گیا۔
ان کا کہنا تھا کہ مشکوک شخص اور اس کے ساتھی کو گرفتار کر کے آرام باغ تھانے منتقل کردیا گیا ہے۔ سیکیورٹی پر تعینات اہلکاروں کو برطرف کر کے واقعہ کی تحقیقات بھی شروع کر دی گئی ہیں متعلقہ شخص اسلحہ کیسے اندر لایا اور اس کا مقصد کیا تھا۔

ایمزٹی وی(اسلام آباد) وزیراعظم نواز شریف نے مسلم لیگ (ن) کے ارکان قومی اسمبلی سے ملاقات کی۔اس موقع پر ان کا کہنا ہے کہ مخالفین ملک کو ترقی و خوشحالی کی راہ سے ہٹانا چاہتے ہیں جب کہ میں نہ مانوں کی رٹ لگانے والے مثبت اقدام پربھی منفی رویئے کا اظہار کررہے ہیں۔ جبکہ پاناما لیکس کے حوالے سے ان کا کہنا تھا کہ پاناما لیکس کی تحقیقات کے لئے تمام سیاسی جماعتوں کی رائے کے مطابق چیف جسٹس آف پاکستان کی زیرنگرانی کمیشن بنانے کا فیصلہ کیا جب کہ قوم کو اپنے اثاثوں سے متعلق پہلے ہی اعتماد میں لے چکے ہیں لیکن اس کے باوجود میں نہ مانوں کی رٹ لگانے والے ہمارے مثبت اقدام پر بھی منفی رویئے کا اظہار کررہے ہیں۔ انہوں نے کہا کہ مخالفین نے اپنا پینترا پھرسے بدل لیا اور وہ ایشوز کے بجائے کھوکھلے نعروں کی سیاست کررہے ہیں۔ وزیراعظم کا کہنا تھا کہ حکومت نے تین سالوں میں ریکارڈ منصوبوں کا افتتاح کیا اور یہ رسمی افتتاح نہیں بلکہ مسلم لیگ (ن) نے ملک بھر میں ترقیاتی منصوبے مکمل بھی کرائے، ایبٹ آباد، اوگی، شنکیاری اور مانسہرہ میں گیس فراہم کی جائے گی، ارکان پارلیمنٹ صدق دل سے عوام کی خدمت کریں۔

ایمزٹی وی (تعلیم) علامہ اقبال اوپن یونیورسٹی نے کتابوں کی ترسیل کا آغاز کردیا۔ تفصیلات کے مطابق علامہ اقبال اوپن یونیورسٹی نے میٹرک تا پی ایچ ڈی پروگرامز کے طلبہ کو درسی کتابوں کی ترسیل شروع کرد ی ۔ یونیورسٹی کے میلنگ سیکشن نے وائس چانسلر کے دئیے گئے ٹائم فریم کے مطابق کام کی تکمیل کو یقینی بنانے کے لئے پاکستان پوسٹ آفس کے تعاون سے ترسیل کتب کے کام کو تیز کردیا ہے۔ اس حوالے سےپروفیسر ڈاکٹر شاہد صدیقی نے شعبہ ترسیل کتب کو ہدایت کی ہے کہ وہ ترسیل کتب کے عمل کو کم سے کم وقت میں مکمل کر ے ۔

ایمزٹی وی (تعلیم) سندھ زرعی یونیورسٹی ٹنڈوجام کا نواں کانووکیشن یونیورسٹی کے مرکزی آڈیٹوریم میں منعقد ہوا، جس میں 597طلباو طالبات کو ڈگریاں دی گئیں اور 45 پوزیشن ہولڈر طلبا کو سونے ، چاندی اور کانسی کے میڈل اور ایوارڈ بھی دیے گئ۔ کانووکیشن میں سندھ کے صوبائی سینئر وزیر اور پرو وائس چانسلر نثار احمد کھوڑو، سندھ یونیورسٹی کے سابق وائس چانسلر پروفیسر مظہرالحق صدیقی، مہران یونیورسٹی کے وائس چانسلر ڈاکٹر محمد اسلم عقیلی اور دیگر شریک ہوئے۔ اس موقع پر صوبائی وزیر نثار احمد کھوڑو نے تقریب سے خطاب کرتے ہوئے کہا کہ اس وقت سندھ میں 40جامعات تدریسی خدمات انجام دے رہی ہیں، جامعات کو نئے پراجیکٹس اور اسکیموں پر کام کرنا چاہیے اور جدید نصاب کو رائج کرنا چاہیئے مجھے بے حد خوشی ہوتی ہے جب زرعی گریجویٹس کو فیلڈ میں کام کرتے ہوئے دیکھتا ہوں۔بیج، پانی، اور مارکیٹنگ سمیت فی ایکڑ پیدوار کے اضافے میں بھی تحقیق کو مزید تیز کیا جائے۔ انہوں نے مزید کہا کہ سندھ زرعی یونیورسٹی میں موجودہ انتظامیہ کے ویژن کو دیکھ کر محسوس ہوتا ہے کہ ہم زرعی ترقی کی راہ پر گامزن ہیں۔ جبکہ یونیورسٹی کے سابق وائس چانسلر پروفیسر مظہرالحق صدیقی نے کہا کہ سندھ کی زمین زرعی گریجویٹس کے کوششوں اور تحقیق سے سرسبز ہوتی ہے اور زرعی ماہرین زرعی ترقی میں اہم کردار ادا کررہے ہیں، انہوں نے کہا کہ حکومت سمیت تمام اسٹیک ہولڈرز کو زرعی تعلیم پر خاص توجہ دینی ہوگی۔

ایمزٹی وی (تعلیم)جامعہ کراچی نے داخلوں میں توسیع کا اعلان کردیا۔ اعلامیے کے مطابق ایم فل،پی ایچ ڈی،ایم ایس اور ایم ڈی میں داخلوں کے لیے فارم جمع کرانے کی تاریخ میں 5 مئی تک توسیع کردی گئی ہے ۔داخلے کے خواہشمند امیدوار داخلہ فارم جامعہ کراچی کی ویب سائٹ (www.uok.edu.pk)سے ڈاؤن لوڈ کرکے 3 ہزار روپے کے پے آرڈر اوردستاویزات کے ساتھ مجوزہ شعبہ جات میں جمع کراسکتے ہیں۔ا

ایمزٹی وی(تعلیم)وفاقی اردو و جامعہ کراچی کے اسسٹنٹ پرفیسر وحیدالرحمان عرف یاسر رضوی کو دنیا سے گئے ایک سال کا عرصہ بیت گیا لیکن ان کے قاتل آج بھی آزاد گھوم رہے ہیں۔ تفصیلات کےمطابق گزشتہ برس 29 اپریل کو ایک اندوہناک واقعہ پیش آیا جس میں نامعلوم افراد نے پروفیسر وحیدالرحمان کو گولیاں کا نشانہ بنایا ۔ جہاں وہ موقع پر ہی شہید ہوگئے۔ پروفیسر وحید الرحمان جامعہ کراچی اور وفاقی اردو یونیورسٹی کے بیک وقت پرفیسر تھے۔ انہوں نے وفاقی اردو یونیورسٹی سے ماسٹرزاور پی اییچ ڈی کی ڈگری حاصل کی اورپھر جامعہ کراچی سے منسلک ہوگئے۔ آج پروفیسر وحید الرحمان کی یاد میں ریلیاں نکالی جائیں گی جبکہ ان کے قاتلوں کے گرفتاری کے حق میں کراچی پریس کلب میں احتجاج کیا جائے گا

ایمزٹی وی (لیہ)لیہ میں زہریلی مٹھائی کھانے سے متاثرہ خاتون لاہور کے جناح ہسپتال میں زندگی کی بازی ہار گئی جس کے بعد سانحے میں جاں بحق افراد کی تعداد انتیس ہو گئی ہے۔ وزیراعلی پنجاب کی ہدایت پر لیہ میں مٹھائی کھانے سے متاثرہ نو افراد کو نشتر ہسپتال ملتان سے ایمبولینسوں کے ذریعے لاہور کے جناح ہسپتال منتقل کیا گیا تھا۔ بدھ کی صبح نصرت بی بی حالت خراب ہونے کے باعث زندگی کی بازی ہار گئی جس کے بعد اس واقعے میں مرنے والے افراد کی تعداد انتیس ہو گئی ہے۔ گزشتہ رات مزید نو مزید متاثرہ افراد کو جناح ہسپتال میں منتقل کیا گیا ہے۔ اس وقت ہسپتال میں مٹھائی کھانے سے متاثرہ سترہ مریض زیرعلاج ہیں۔ وزیراعلی پنجاب کی ہدایت پر جناح ہسپتال میں متاثرہ افراد کو خصوصی وارڈ میں رکھا گیا ہے۔ دوسری جانب پنجاب فوڈ اتھارٹی کی جانب سے واقعہ کی تحقیقاتی رپورٹ آج وزیراعلیٰ پنجاب کو پیش کی جائے گی جبکہ ٹیم نے علاقہ مکینوں کے بیانات اور متاثرین کا ریکارڈ قبضے میں لے لیے ہیں۔