مانیٹرنگ ڈیسک : سماجی رابطے کی ویب سائٹ ٹوئٹر نے فلِیٹس نامی نیا فیچر متعارف کرادیا ہے
جو اسنیپ چیٹ اور انسٹاگرام اسٹوریز سے ملتا جلتا ہے جو ٹیکسٹ، فوٹوز، ویڈیوز کو 24 گھنٹے بعد غائب کردیتا ہے۔یعنی انسٹاگرام اسٹوریجز جیسا جو کہ خود اسنیپ چیٹ اسٹوریز کی نقل ہے۔

درحقیقت ٹوئٹر نے اس فیچر کو اپنانے میں کافی وقت لگایا ہے جو حیران کن ہے کیونکہ فیس بک کی تمام ایپس میں اسے پہلے ہی پیش کیا جاچکا ہے۔
یہ فیچر ٹوئٹر کے آئی او ایس اور اینڈرائیڈ صارفین کو آنے والے ہفتوں میں دستیاب ہوگا۔

اس فیچر کے تحت شیئر کیے جانے والی تصاویر،پیغامات اور ویڈیوز کو لائیک ،ری ٹوئٹ،یا رئیپلائی کے بجائے ان پر ڈائریکٹ میسجز پر رئیپلائی کیا جاسکے گا۔

ٹوئٹر کے گروپ پراڈکٹ منیجر مو الڈہام کے مطابق اس فیچر کو صارفین روزمرہ کے خیالات کے لیے کریں گے جو کہ روایتی ٹوئٹس کے اسٹرکچر سے الگ ہوں گے، اسی لیے ان کو لائیک یا ری ٹوئٹ نہیں کیا جاسکے گا۔

کیلیفورنیا: موجودہ دور میں دنیا بھر کےبچے ٹیبلٹ اور فون اسکرین کے دیوانے ہوچکے ہیں جس کی وجہ سے خود والدین اور اساتذہ پریشان ہیں۔ اسی لیے اب ایک روبوٹ بنایا گیا ہے جوباقاعدہ ڈرائنگ بورڈ اور پین کے ذریعے پیچیدہ ترین تصویر بھی کچھ اس طرح بناتا ہے کہ بچے قلم کی حرکت اور تمام مراحل کی نقل کرکے بہت حد تک تصویر بناسکتے ہیں۔

مصوری کے آسان سبق دینے والے اس روبوٹ کو ’ڈرابوٹ‘ کا نام دیا گیا ہے۔ ڈرابوٹ کا استعمال بہت آسان ہے۔ پہلے والدین وائٹ بورڈ، ڈرائنگ کینوس یا لکھنے کی کوئی شے دیوار پر لٹکا دیتے ہیں۔ اس کے بعد تتلی نما روبوٹ کے عین درمیان قلم یا پین پھنسایا جاتا ہے۔ اس کے بعد ڈرائنگ بورڈ میں اوپر کی جانب دو ہک چپکائے جاتے ہیں جو اسے سیدھا رکھتے ہیں۔ اس طرح روبوٹ آزادانہ طورپر دائیں، بائیں، آگے پیچھے اور اوپر نیچے حرکت کرسکتا ہے۔

روبوٹ میں کوئی بھی خاکہ یا اسکیچ شامل کیا جاسکتا ہے اسی طرح ڈرابو کی ایپ میں شامل لائن آرٹ کا انتخاب بھی کیا جاسکتا ہے۔ اس کے بعد روبوٹ ایک وقت میں ایک لائن اس طرح کھینچتا ہے کہ اس کی نقل کرنا آسان ہوتا ہے۔ دیکھنے والا ایک کے بعد ایک لائن کو سمجھ کر خود ڈرائنگ کے بنیادی اصول کو بھی سمجھ جاتا ہے۔

ایک لائن بنانے کے بعد روبوٹ رک جائے گا اور انسان کو اس کی نقل اتارنے دے گا جسے وہ اپنے ڈرائنگ بورڈ یا کاپی میں بناسکیں گے۔ اس دوران والدین بھی بچے کی رہنمائی کرسکتے ہیں اور خود ایپ بھی مصوری میں مدد کرتی ہے۔ اگر بچہ روبوٹ کی نقل کرنے میں سست ہے تو وہ اس دورانیے کو بڑھا سکتا ہے۔ علاوہ ازیں روبوٹ کو خود ہدایات کے ذریعے ڈرائنگ کرنے کا حکم اور روکنے کا حکم بھی دیا جاسکتا ہے۔

اس ایجاد کی پشت پر کیلی فورنیا کے ایسے انجینئروں کی ٹیم ہے جو پہلے یاہو، مائیکرو سافٹ اور دیگر اداروں میں کام کرچکے ہیں۔ اس وقت یہ کک اسٹارٹر مہم کا حصہ ہے اور اس وقت بکنگ پر ایک ڈرابوٹ 149 ڈالر میں دستیاب ہے جبکہ رعایتی میعاد ختم ہونے کے بعد اس کی قیمت 200 ڈالر ہوجائے گی۔

کراچی: سندھ یونیورسٹی جامشورو کی انتظامیہ نے جامعہ کو مالی خسارے سے نکالنے کے لیے اس کا بوجھ طلبا پر منتقل کردیا ہے۔

سندھ یونیورسٹی جامشورو کی انتظامیہ نے جامعہ کو درپیش بدترین مالی خسارے اور قرضوں سے نکالنے کے لیے اس کا بوجھ طلبا پر منتقل کردیا ہے اور مارک شیٹ، سرٹیفکیٹ، ڈگری و دیگر دستاویز کی فیسوں میں اچانک 40 سے 400 فیصد سے زائد تک اضافہ کردیا گیا ہے۔ اضافے کا اطلاق جامعہ سندھ سے الحاق شدہ سرکاری و نجی کالجوں کے ہزاروں طلبہ پر بھی ہوگا۔

یہ اضافہ یونیورسٹی کے قائم مقام وائس چانسلر ڈاکٹر صدیق کلہوڑو کی جانب سے محض فنانس اینڈ پلاننگ کمیٹی کی سفارشات پر کیا گیا ہے تاہم فیصلہ کی منظوری سی سینڈیکیٹ سے نہیں لی گئی اور فیصلے کا نوٹیفیکیشن جاری کردیا گیا اس جاری نوٹیفیکیشن کے مطابق فیسوں میں اضافے کا اطلاق 12 جنوری سے ہوگا۔
نوٹیفکیشن کے مطابق بعض دستاویز کے اجرا کے لیے مختص چند سو روپے کی فیس میں 200 فیصد تک اضافہ کیا گیا ہے جبکہ کچھ دستاویز کی 4 ہندسوں digits میں مختص چند ہزار روپے فیس کئی ہزار روپے اضافے کے ساتھ 5 digit میں چلی گئی ہے جس سے طلبا وطالبات پر بدترین مالی بوجھ پڑے گا۔

ذرائع کےمطابق سینڈیکیٹ کی منظوری کے بغیر فیسوں میں اچانک 400 فیصد تک اضافے پر جب یونیورسٹی انتظامیہ کا موقف جاننے کے لیے قائم مقام وائس چانسلر ڈاکٹر صدیق کلہوڑو سے رابطہ کیا تو ان کا کہنا تھا کہ سندھ یونیورسٹی نے 2014 کے بعد اب 6 سال بعد فیسوں میں اضافہ کیا ہے تاہم اب بھی ہماری فیسیں جامعہ کراچی، شاہ عبدالطیف یونیورسٹی اور حیدرآباد ایجوکیشن بورڈ سے کم ہیں یونیورسٹی پر بینکوں کا واجب الادا کروڑوں روپے قرضہ ہے جبکہ مختلف دنوں میں 70 کروڑ روپے کے واجبات علیحدہ ہیں اسی طرح رواں مالی سال میں اب تک کا خسارہ 45 کروڑ روپے ہے 2019 اور 2020 میں ایوننگ پروگرام کے تدریسی واجبات اساتذہ کو نہیں دیے جاسکے ہیں۔

قائم مقام وائس چانسلر کا کہنا تھا کہ ہمارے 1800 پینشنرز اور 3ہزار سے زائد ملازمین ہیں صرف 30 کروڑ روپے pay and pension کی مد میں ہر ماہ خرچ ہوتے ہیں ایچ ای سی کی گرانٹ 1770 ملین روپے ہے جبکہ 2 ہزار روپے فیس کی مد میں موصول ہوتے ہیں۔

اسلام آباد :  علامہ اقبال اوپن یونیورسٹی نے بعض ناگزیر وجوہات کی بنا پرگزشتہ روز منعقد ہونے والے بی اے ، بی ایس، ایم اے ، ایم ایس سی، بی ایڈ اور ایم ایڈ پروگراموں کے مختلف مضامین کے امتحانی پرچہ جات راولپنڈی شہر اور اسلام آباد ریجن کے تمام علاقوں میں ملتوی کر دیئے ہیں

اس فیصلے کا اطلاق ملک کے دوسرے علاقوں پر نہیں ہو گا۔کنٹرولر امتحانات کے دفتر سے جاری ہونے والے نوٹیفکیشن کے مطابق ملتوی ہونے والے امتحانی پرچہ جات کی نئی تاریخ کا اعلان بعد میں کیا جائیگا۔

یونیورسٹی کے ایک دوسرے نوٹیفکیشن کے مطابق یونیورسٹی نے چند انتظامی معاملات کی بنا پر امتحانی سینٹر نمبر 177 (تنویر حسین شہید ماڈل کالج فاربوائز(IMCB) سٹریٹ نمبر 43 ، سیکٹر7/4 G-اسلام آباد)سے امتحانی سنٹر نمبر 171 (آذان خان شہید ماڈل اسکول برائے طلبہ (IMCB) سٹریٹ نمبر 10 ، سیکٹر F-8/3 )میں منتقل کر دیا ہے ۔

کراچی : محکمہ تعلیم سندھ نے تعلیمی اداروں میں موسم سرما کی تعطیلات نہ کرنے کا فیصلہ کیا ہے۔

محکمہ تعلیم سندھ کاکہنا ہے کہ اسٹیرنگ کمیٹی کے فیصلوں کے مطابق کورونا وائرس کے باعث پہلے ہی زیادہ چھٹیاں ہوچکی ہیں لہذا رواں برس موسم سرما کی تعطیلات نہیں ہوں گی۔ محکمہ تعلیم کا کہنا ہے کہ موسم سرما کی چھٹیوں کا فی الحال کوئی امکان نہیں تاہم نومبر کے اختتام پر این سی او سی کے اجلاس میں اس پر مزید بحث ہوگی۔

گزشتہ روز وزیراعظم عمران خان کی زیر صدارت قومی رابطہ کمیٹی برائے کورونا کا اجلاس ہوا جس میں وزیراعظم کا کہنا تھا کہااسکولوں سے متعلق ایک ہفتہ میں فیصلہ کریں گے، اسکولوں سے کورونا پھیلا تو سردیوں میں تعطیلات بڑھا دیں گے اور گرمیوں میں کم کردیں گے۔

واضح رہےاس سے قبل این سی او سی کے اجلاس میں کہا گیا تھا کہ تعلیمی اداروں میں مثبت کیسز کا تناسب بڑھ رہا ہے جسے روکنے کی ضرورت ہے، اجلاس میں تعلیمی اداروں میں موسم سرما کی تعطیلات پیشگی شروع کرنے کی تجویز بھی سامنے آئی تھی۔ اسکولوں سے متعلق ایک ہفتہ میں فیصلہ کریں گے، اسکولوں سے کورونا پھیلا تو سردیوں میں تعطیلات بڑھا دیں گے اور گرمیوں میں کم کردیں گے۔

لاہور: پنجاب یونیورسٹی کے تین پروفیسر ز دنیا کے بہترین محققین کی فہرست میں شامل ہو گئے۔

تفصیلات کےمطابق اسٹینفورڈ یونیورسٹی کیلیفورنیاکی جاری کردہ دنیا کے بہترین محققین کی فہرست میں پنجاب یونیورسٹی کے ڈین فیکلٹی آف سائنس ڈاکٹر محمد شریف ، ڈین فیکلٹی آف مینجمنٹ سائنسز ڈاکٹر خالد محمود اورشعبہ ریاضی کے ڈاکٹر محمد اکرم دنیا کے بہترین 2 فیصد محققین میں شامل کئے گئے ہیں۔

پنجاب یونیورسٹی کے محققین کو اپنے تحقیقی مقالوں کی بین الاقوامی جانچ پڑتال کی بنیاد پر منتخب کیا گیا۔

عالمی درجہ بندی میں تمام شعبوں سے ایک لاکھ ساٹھ ہزار محققین کو شامل کیا گیا،

لاہور:  پنجاب بورڈ کمیٹی چیئرمینز نے صوبے بھر کے تعلیمی بورڈزکے تحت میٹرک اور انٹر امتحان 2021 کیلئے داخلہ شیڈول جاری کردیئے

پنجاب بورڈ کمیٹی چیئرمینز کی جانب سے جاری شیڈول کے مطابق میٹرک کا امتحان 6 مارچ اور انٹر کا 7 مئی 2021 سے لیا جائے گا۔ سنگل فیس کے ساتھ رجسٹریشن 16 نومبر سے 10 دسمبر تک جاری رہے گی جبکہ انٹرمیڈیٹ کی رجسٹریشن 4سے 28 جنوری تک سنگل فیس کے ساتھ ہوگی ۔

جاری کردہ مراسلے کے مطابق مقررہ تاریخ کے بعد داخلہ لیٹ فیس کے ساتھ وصول کیا جائے گا اور شیڈول میں تبدیلی نہیں کی جائے گی ۔

لاہور: گورنر پنجاب و چانسلر یونیورسٹیز چودھری محمد سرور کا میڈیکل کےطلبا کے ضمنی امتحانات کے معاملے پر اہم فیصلہ سامنے آگیا جس کے مطابق، کووڈ19 کے دوران امتحانات میں مشکلات کا سامنا کرنے والے طلبا و طالبات کواضافی موقع دیا جارہاہے ۔

جس کے مطابق آئندہ امتحانات میں شامل ہونے کا ایک اضافی موقع دینے کی منظوری دیدی گئی ہےاورتمام میڈیکل یونیورسٹیز کے وائس چانسلرز کو ہدایت بھی جاری کردی گئی ہے ۔

اس حوالے سے گورنرپنجاب کاکہناہے طلبا کا قیمتی وقت ضائع ہونے سے مستقبل میں بھی نقصان ہوگا۔

طلبا کی درخواست پر کورونا صورت حال کے پیش نظر گورنر پنجاب نے ریلیف دینے کا فیصلہ کیا۔

 کراچی: وائس چانسلر پروفیسر ڈاکٹر خالد محمود عراقی کی زیر صدارت گزشتہ روز جامعہ کراچی کے اکیڈمک کونسل کا اجلاس کلیہ فنون وسماجی علوم کی سماعت گاہ میں منعقد ہوا۔اجلاس میں داخلے برائے سال 2021 ء سے متعلق پالیسی کی منظوری دی گئی،داخلہ ٹیسٹ کے انعقاد اور طریقہ کار سے متعلق فیصلہ کرونا وائرس کی صورتحال کو مدنظر رکھتے ہوئے کیا جائے گا۔

اجلاس میں کووڈ 19 ہنگامی صورتحال کے تناظر میں پالیسی برائے آن لائن امتحانات،اسسمنٹ اینڈ ایویلیشن کی منظوری دی گئی بورڈ برائے کلیہ تعلیم اور ایڈوانسڈاسٹڈیز اینڈ ریسرچ بورڈ پر تین اراکین کی بحیثیت نمائندہ اکیڈمک کونسل تین سال کی مدت کے لئے نامزدگی کی منظوری دی گئی ۔
کلیہ تعلیم کے لئےشعبہ ہیلتھ فزیکل ایجوکیشن اینڈ اسپورٹس سائنسز کے پروفیسر ڈاکٹر باسط انصاری ،شعبہ نفسیات کی پروفیسر ڈاکٹر فرح اقبال، اور شعبہ ارضیات کی پروفیسر ڈاکٹر ارم بشیر جبکہ ایڈوانسڈاسٹڈیز اینڈ ریسرچ بورڈ کے لئے شعبہ بائیوکیمسٹری کے پروفیسر ڈاکٹرشاہ علی القدر،شعبہ فارماسیوٹیکس کے پروفیسر ڈاکٹر محمد حارث شعیب اور شعبہ جینیات کے پروفیسر ڈاکٹر مقصود علی انصاری کی نامزدگی کی منظوری دی گئی۔الحاق کمیٹی پر ایک رکن کی دوسال کی مدت کے لئے شعبہ بین الاقوامی تعلقات کی پروفیسر ڈاکٹر شائستہ تبسم کی نامزدگی کی منظوری دی گئی۔
ایڈوانسڈ اسٹڈیز اینڈ ریسرچ بورڈ کے اجلاس منعقدہ16 اور 22 فروری،28 مارچ،25 اپریل،31 مئی،25 جون،30 جولائی،03 ستمبر2019 ء اور23 جنوری،04 مارچ،07 مئی اور18 جون 2020 ء کی رودادوں کی توثیق کی گئی۔

سیکریٹری الحاق کمیٹی کے توسط سے وصول ہونے والے پرنسپل آرمی پبلک ڈگری کالج کے خط مورخہ 20 فروری 2020 ء کی روشنی میں کالج میں جاری بی بی اے چارسالہ پروگرام میں سال میں صرف ایک مرتبہ داخلے کی اجازت دی گئی اور نشستوں کو 30 سے بڑھاکرپچاس کرنے کی منظوری دی گئی۔

صدف طاہر اسسٹنٹ ڈائریکٹر ایڈمیشن اینڈ کوآرڈینیشن (اے اینڈ سی) ڈویژن،ہائرایجوکیشن کمیشن کے ای میل مورخہ 12 اگست 2020 ء کے تحت ارسال کردہ انڈرگریجویٹ پالیسی 2020 ء کے حوالے سے ایک کمیٹی تشکیل دی گئی جس میں رئیس کلیہ تعلیم پروفیسر ڈاکٹر ناصر سلمان،پروفیسر ڈاکٹر فرح اقبال،پروفیسر ڈاکٹر محمد حارث شعیب اور پروفیسر ڈاکٹر ثمینہ سعید شامل ہیں جو اپنی سفارشات مرتب کرکے آئند ہونے والے اجلاس میں پیش کریں گے۔

معادلہ کمیٹی کے اجلاس منعقدہ 26 ستمبراور21 نومبر2019 ء کی روداد کی توثیق کی گئی۔بورڈ برائے کلیہ فارمیسی اینڈ فارما سیوٹیکل سائنسز کے اجلاس منعقدہ یکم اکتوبر 2020 ء کی روداد کی توثیق کی گئی۔اکیڈمک کونسل کے اجلاس منعقدہ 22 نومبر2019 ء اور خصوصی اجلاس05 جون 2020 ء کی رودادوں کی توثیق کی گئی

کراچی: صدرآل پاکستان پرائیویٹ ا سکولز فیڈریشن نے وزرائے تعلیم کانفرنس کے اعلامیہ کا خیرمقدم کرتےہوئے کاشف مرزا نے کہا ہے کہ کوویڈ میں 7.5کروڑطلباءکی تعلیم کا ناقابل تلافی نقصان ہوا ہےوقت قلت کی وجہ سےموسم سرماتعطیلات نہیں ہونگی۔

انہوں نے مزید کہا ہےتعلیمی سال اپریل کے بجائے اگست تک کرنےکی تجویزمستردکرتے ہیں اقوامِ متحدہ،یونیسف،یونیسکووعالمی بینک کی ایڈوائزری کےمطابق کورونا کے خدشات میں بھی اسکولز کھلے رکھے جائیں،بند کرنے سے نقصانات زیادہ ہیں۔ آل پاکستان پرائیویٹ سکولز فیڈریشن نے ثابت کیا ہےکہ طلباءتعلیمی اداروں میں مکمل محفوظ ہیں پرائیویٹ اسکولز SOPs پر مکمل عمل کر رہے ہیں۔SOPs پر عملدرآمد کیلئے50ارب روپے چاہیے، فوری ادا کیے جائیں۔

صدرکاشف مرزانےبڑھتے ہوئےکرونا کیسز کی وجہ حکومتی نااہلی اور سیاسی اجتماعات و جلسے کوقراردیتے ہوئے شدید لفظوں میں مذمت کرتے ہوئے کہا ہے کہ سیاسی اجتماعات و جلسوں سے کرونا پھیلنےاور کروڑوں پاکستانیوں کو جان کا خطرہ ہے۔ وزیراعظم،چیف جسٹس،آرمی چیف اور NCOC غیر قانونی سیاسی اجتماعات و جلسوں کا نوٹس لیں اور رکوائیں۔سیاسی اجتماعات و جلسےحکومتی پالیسی وNCOC کے فیصلوں کی تحضیک ہے۔
 
انہوں نے مزید کہاہے کہ اسکولزکو بند کرنے کی افواہوں پر کان نہ دھریں، ماسک پہنیں اور SOPs پر لازمی عمل کریںسول سوسائٹی وحکومت ملکرSOPs کو یقینی اور بچوں کو محفوظ بنائےبچوں کی تعلیم،صحت وتحفظ اولین ترجیح،کوتاہی برداشت نہیں کریں گے۔