کراچی: کراچی میں سردی کی نئی شدید لہراور درجہ حرارت 3 ڈگری سینٹی گریڈ تک جانے کی پیشگوئی کی ہے۔

موسمیاتی تجزیہ کار جواد میمن کے مطابق مغربی ہواؤں کا سسٹم بلوچستان پر اثر انداز ہے جس کے باعث کراچی کا مطلع جزوی ابر آلود رہنے کے ساتھ بوندا باندی بھی ہوسکتی ہے۔

جواد میمن نے بتایاکہ سسٹم کے زیر اثر آج دوپہر سے کراچی میں تیزگرد آلود اور سرد ہوائیں چلنے کا امکان ہے، اس دوران ہواؤں کی رفتار 30 سے 40 کلو میٹر فی گھنٹہ ہوسکتی ہے جب کہ گرد آلود ہواؤں کے باعث فضائی معیار بھی متاثر رہے گا۔

موسمیاتی تجزیہ کار کے مطابق مغربی ہواؤں کا سسٹم ملک سے نکلنے کے بعد سردی کی لہر بڑھ سکتی ہے، کراچی میں سردی کی نئی لہر پچھلی لہر سے شدید ہوسکتی ہے جس سے شہر کے مضافات میں درجہ حرارت 3 سے 5 ڈگری سینٹی گریڈ تک آسکتا ہے۔

موسمیاتی تجزیہ کار کے مطابق 23 یا 24 جنوری سے درجہ حرارت میں کمی کا امکان ہے۔

کراچی: پاکستان سپر لیگ کے آٹھویں ایڈیشن کے شیڈول کو فائنل کرلیا گیا حتمی اعلان کل ہوگا۔

ذرائع کا کہنا ہے کہ پی ایس ایل کا آغاز 13 فروری سے ہوگا جبکہ فائنل 19 مارچ کو کھیلا جائے گا۔

افتتاحی تقریب کی میزبانی ابھی تک ملتان کے ہی پاس ہے، اس پروگرام میں فی الحال کوئی تبدیلی نہیں کی گئی ہے۔ ٹورنامنٹ 4 وینیوز پر کھیلا جائے گا، میزبان شہروں میں کراچی، لاہور، راولپنڈی اور ملتان شامل ہیں،ذرائع کایہ بھی کہنا ہے کہ ملتان اور کراچی جبکہ لاہور اور راولپنڈی کے میچز ایک ساتھ ہوں گے۔

پی ایس ایل سے قبل ایک نمائشی میچ کوئٹہ میں بھی کھیلے جانے کا امکان ہے، جس میں پشاور زلمی اور کوئٹہ گلیڈی ایٹرز مدمقابل ہوسکتے ہیں۔

یاد رہے کہ پشاور زلمی کی جانب سے اس بار پی ایس ایل کے کچھ میچز کا پشاور میں بھی انعقاد کا مطالبہ کیا گیا تھا جس کی دوسری فرنچائزز کی جانب سے حمایت بھی کی گئی تھی تاہم اس ایڈیشن میں پشاور میں میچز کا انعقاد مشکل ہے، اسی طرح کوئٹہ میں بھی صرف ایک نمائشی میچ کھیلنے کی منصوبہ بندی کی جارہی ہے۔

پاکستان کرکٹ بورڈ میں نجم سیٹھی کی واپسی کے بعد پہلی بار پی ایس ایل کا انعقاد ہوگا، اس لیے بورڈ کی انتظامی کمیٹی کے سربراہ اس بار ایونٹ کا شایان شان انعقاد چاہتے اور اس کیلیے کافی پرعزم بھی ہیں۔

شیڈول کے اعلان کے ساتھ ہی پی ایس ایل کی تیاریوں میں بھی تیزی آجائے گی۔ مقامی پلیئرز اور شائقین سب ہی اس ٹورنامنٹ کا بے صبری سے انتظار کررہے ہیں۔

لاہور قلندرز اس بار دفاعی چیمپئن کے طور پر میدان سنبھالیں گے، ٹیم کی قیادت نوجوان پیسر شاہین شاہ آفریدی کے ہاتھوں میں ہوگی جوکہ فٹنس مسائل سے چھٹکارا حاصل کرنے کے بعد پریکٹس کا آغاز کرچکے اور پی ایس ایل میں واپسی کیلیے پراعتماد ہیں۔

ریاض: اسٹار فٹبالرزکرسٹیانو رونالڈاورلیونل میسی آج آپس میں ٹکرائیں گے۔

پرتگال سے تعلق رکھنے والے اسٹار فٹبالر کرسٹیانو رونالڈو اور ارجنٹینا کو عالمی چیمپئین بنوانے والے لیونل میسی آج مشرق وسطیٰ کے میدان پر ایک دوسرے کے مدمقابل آئیں گے۔

فرانسیسی کلب پیرس سینٹ جرمن (پی ایس جی) اور سعودی آل سٹار الیون کے درمیان میچ آج 19 جنوری کو پاکستانی وقت کے مطابق رات 9 بجے شروع ہوگا۔ کرسٹیانو رونالڈو کی قیادت میں سعودی آل اسٹار الیون میں النصر اور الہلال کلب کے کھلاڑی شامل ہوں گے، یہ نمائشی میچ کنگ فہد اسٹیڈیم ریاض میں کھیلا جائے گا۔

دوسری جانب میچ کی تمام ٹکٹیں فروخت ہوچکی ہیں جبکہ حکام نے اعلان کیا کہ ایک سعودی ریئل اسٹیٹ بزنس مین نے نیلامی میں 10 ملین ریال کی بولی لگانے کے بعد میچ دیکھنے کا ٹکٹ اپنے نام کرلیا ہے۔

قبل ازیں ٹکٹ کی پہلی بولی تاجر عبد العزیز بغلف نے ٹکٹ کی 30 لاکھ ریال کی بولی لگائی تھی، جس کے بعد متعدد تاجروں نے ٹکٹ کی قیمت کو 10 ملین ریال یعنی (ایک کروڑ ریال) تک پہنچادیا۔

واضح رہے کہ فرانسیسی کلب پی ایس جی اپنی ویب سائٹ پر میچ کو لائیو اسٹریم بھی کرے گا جبکہ میچ کی کمنٹری انگلش، عربی اور فرانسیسی زبان میں ہوگی۔

کراچی: جامعہ این ای ڈی کی این ای ڈی اکیڈمی اور یونائیٹڈ نیشن انڈسٹریل ڈیولپمنٹ آرگنائزیشن (UNIDO) کے تحت "کلسٹر ڈیولپمنٹ ایجنٹ ٹریننگ" کا اہتمام کیا گیا ہے.

جس میں سندھ کے 5 اضلاع سمیت کراچی سے 23افسران کو تربیت دی جارہی ہے. اس پروگرام میں اقوام متحدہ کے بین الاقوامی ٹرینرز پیٹر انتھونی اور ابراہیم ویڈت سمیت معروف ماہر معاشیات قیصر بنگالی، افسران کو تربیت فراہم کریں گے.

جامعہ ترجمان فروا حسن کے مطابق UNIDO کے پروجیکٹ Poverty Alleviation and inclusive development across rural Sindh program (PAIDAR)، این ای ڈی اکیڈمی، بزنس انکیوبیشن سینٹر اوریک کے زیرِاہتمام چھ ہفتوں پر مشتمل ٹریننگ کا انعقاد این آئی سی بلڈنگ، این ای ڈی میں کیا جارہا ہے. جس میں ٹھٹھہ، سجاول، بدین، لاڑکانہ، تھر پارکر اور کراچی سے افسران شریک ہورہے ہیں. اس موقعے پر گفتگو کرتے ہوئے معین الجامعہ این ای ڈی پروفیسر ڈاکٹر محمد طفیل کا کہنا تھا کہ یہ صرف تربیتی پروگرام نہیں بلکہ انفرادی شخصیت کو انٹرپرنیور میں ڈھالنے کا نظام ہے. ان کا مزید کہنا تھا کہ اس کا بنیادی مقصد دیہی علاقوں تک انٹر پرنورشپ کے آئیڈیا کا فروغ ہے.

پروگرام کوآرڈینیٹر (UNIDO) بدرالااسلام، ڈائریکٹر جنرل این ای ڈی اکیڈمی پروفیسر ڈاکٹر بلال زاہد اور منیجر بزنس انکیوبیشن سینٹر ڈاکٹر سندس علی کا کہنا تھاکہ اس طرح کے تربیتی پروگرام وژن کو وسیع کرتے ہیں. ان کامزید کہنا تھا کہ عصرِحاضر انٹرپرنورشپ کا دور ہے. دور کے تقاضوں کے مدِنظر رکھتے ہوئے اس تربیت سے معاشی اور روزگار کے حوالے سے بہتری کی راہیں اُستوار ہوسکیں گی.

مانیٹرنگ ڈیسک : دنیا کی مقبول ترین میسجنگ ایپ واٹس ایپ نےصارفین کو بلاک کرنے کے نئے طریقہ کار کو متعارف کروانے اعلان کردیا۔

WABetaInfo کی رپورٹ کے مطابق اس نئے فیچر سے صرف ان واٹس ایپ صارفین کو ہی بلاک کرنا ممکن ہوگا جو آپ کے کانٹیکٹ لسٹ میں نہیں ہوں گے۔یعنی ایپ یا اس فرد کی چیٹ اوپن کرنے کی بھی ضرورت نہیں ہوگی مگر یہ فیچر آغاز میں محدود ہوگا۔بہت جلد صارفین پش نوٹیفکیشنز کے ذریعے ہی کسی فرد کو بلاک کرسکیں گے۔

رپورٹ کے مطابق اس فیچر سے صارف کسی بھی فرد کو بات چیت شروع کیے بغیر ہی بلاک کرسکے گا جو اس ٹول کا بنیادی مقصد بھی محسوس ہوتا ہے۔

یہ فیچر ابھی تمام صارفین کے لیے دستیاب نہیں بلکہ واٹس ایپ کے اینڈرائیڈ بیٹا ورژن میں اس کی آزمائش کی جارہی ہے۔

اس لیے ابھی یہ کہنا مشکل ہے کہ تمام صارفین کو کب تک یہ فیچر دستیاب ہوگا مگر امکان ہے کہ آنے والے مہینوں میں اسے متعارف کرایا جاسکتا ہے۔

خیال رہے کہ گزشتہ دنوں واٹس ایپ کی جانب سے پراکسی سرور سپورٹ کا فیچر تمام صارفین کے لیے متعارف کرایا گیا تھا۔

اسی طرح بہت جلد کیپشن کے ساتھ میڈیا کو فارورڈ کرنے، اینڈ ٹو اینڈ انکرپٹڈ اسٹیٹس، کال اینڈ چیٹ انڈیکٹرز اور دیگر فیچرز کو بھی متعارف کرایا جاسکتا ہے۔

قومی کرکٹ ٹیم کے لئےوقار یونس کونئےبائولنگ کوچ بنائےجانے کاامکان روشن ہوگیا۔

سابق آسٹریلوی کرکٹر اور باولنگ کوچ شان ٹیٹ نے سماجی رابطے کی وی سائٹ ٹوئیٹر پر پیغام جاری کیاہے جس کے مطابق پی سی بی نے ایک بار پھر باؤلنگ کوچ کے لیے وقار یونس سے رابطہ کرلیا،جس کے بعدان کا پاکستان کرکٹ بورڈ کے ساتھ سفر ختم ہوجائے گا

شان ٹیٹ کا اس حوالےسے کہنا تھا کہ پاکستان کرکٹ ٹیم کے ساتھ سفر ختم ہونے پر افسردہ ہوں لیکن میں پاکستان کا دورہ کرتا رہوں گا۔

ویب ڈیسک : دنیا کے دیگر ممالک کی طرح مائکرو بلاگنگ ویب سائٹ ٹوئٹر نے پاکستان میں بھی اپنی ہوم یا نیوز فیڈ کو تبدیل کرتے ہوئے اسے ٹک ٹاک کی طرح پیش کردیا۔

ٹوئٹر کی جانب سے پاکستان میں 13 جنوری کو ہوم فیڈ تبدیل کی گئی اور ابتدائی طور پر ملک میں آئی فون اور ڈیسک ٹاپ صارفین کے لیے فیچرز کو پیش کیا گیا۔

آئی فون اور ڈیسک ٹاپ کے بعد جلد ہی اینڈرائیڈ صارفین کے لیے بھی ٹوئٹر فیڈ کو تبدیل کردیا جائے گا اور اسکرین کے ٹاپ پر لوگوں کو ’فالوئنگ‘ اور ’فار یو‘ کے دو الگ ٹیبز نظر آئیں گے۔ٹک ٹاک کی ہم اسکرین کھولنے پر بھی’فالوئنگ’ اور ’فار یو‘ کے ٹیب لوگوں کو دکھائی دیتے ہیں۔

ٹوئٹر میں بھی دونوں ٹیبز ٹک ٹاک کی طرح ہی کام کرتی ہیں، یعنی صارف اپنی مرضی کے مطابق کسی بھی ٹیب کا مواد دیکھ سکیں گے۔فالوئنگ کی ٹیب میں ان اکاؤنٹس کا مواد یا ٹوئٹس نظر آئیں گی، جنہیں صارف نے فالو کر رکھا ہوگا۔

اسی طرح فار یو ٹیب میں ٹوئٹر پر دستیاب مشہور یا وائرل مواد دکھائی دے گا، تاہم اس ٹیب میں وہ مواد بھی نظر آئے گا، جسے ان اکاؤنٹس نے شیئر یا پسند کر رکھا ہوگا، جنہیں آپ فالو کرتے ہوں گے۔

ٹوئٹر کی جانب سے دونوں ٹیبز کو متعارف کرائے جانے کے بعد پرانا آئیکون اسٹائل ختم کردیا گیا، یعنی اب اسکرین کے اوپر بائیں جانب ہوم اور لیٹیسٹ کا آئیکون نظر نہیں آئے گا۔

پاکستان سے قبل ٹوئٹر نے 11 جنوری کو مذکورہ فیچرز کو دنیا بھر میں پیش کرنے کا اعلان کیا تھا اور فوری طور پر اسے محدود صارفین کے لیے متعارف کرایا گیا تھا۔

ابتدائی طور پر دنیا بھر کے آئی فون صارفین کے لیے دونوں ٹیبز پیش کیے گئے تھے مگر اب عام ڈیسک ٹاپ صارفین کو بھی ان تک رسائی دی گئی ہے اور جلد ہی اینڈرائیڈ صارفین بھی مذکورہ فیچرز استعمال کر سکیں گے۔

پشاور: محکمہ تعلیم کے پی کے نے سی ٹی ، ڈی ایم ، اے ٹی ،ڈی ای ٹی اساتذہ کو بھی گریڈ 15سے 16 میں اپ گریڈیشن کی منظوری دے دی گئ ہے ۔

وزیر تعلیم کے پی کے خیبر پختون خواہ شاہرام خان ترکئی کاکہنا ہے کہ 21ہزار ایس ایس ٹی اساتذہ کو گریڈ 16سے 17 میں اپ گریڈیشن کی منظوری دی گئی ہے اور اس کے ساتھ ساتھ صوبائی کابینہ نے four tier formula کی بھی منظوری دی جس کے تحت 13 ہزار آٹھ سو اسی ٹیچرز ترقی حاصل کر سکیں گئے جو گریڈ 17سے 20 کے درمیان ہوں گئے ۔

انہوں نے پی ایس ٹی ٹیچرز کو اپ گریڈیشن پر مبارکباد دیتے ہوئےکہا ہےکہ صوبائی حکومت نے صوبائی کابینہ کے اجلاس میں اپنے وعدے کے مطابق 12سکیل سے 14 سکیل 51 ہزار پی ایس ٹی میل اور فی میل ٹیچرز کی اپ گریڈیشن کی منظوری دے دی ہے ۔ہمارے اساتذہ کا دارینہ مطالبہ تھا جو آج پورا کردیا گیاہے ۔

پی ایس ٹی کے لئے جو فارمولہ لگایا ہے بی ایس کے لئے 40% اور ایم اے والوں کے لے 20% یہ سراسر ناانصافی ہے بی ایس والوں کی پیپرز کالج میں چیک ہوتے کلاس ٹیچر مارکس دیتے ہیں اور ایم اے والوں کی یونیورسٹی میں چیک ھوتے ھے سر یا اکیڈمیک فارمولہ ختم کرے یا انصاف کرے۔

ویب ڈیسک: کیا آپ گوگل میپس اسٹریٹ ویو میں اپنے گھر کی تصویر دکھانا نہیں چاہتے؟ تو فکرمندی کی بات نہیں ایسا ممکن ہے۔

جی ہاں ایک ٹِرک کے ذریعے آپ اپنی پرائیویسی کو محفوظ رکھ سکتے ہیں اور اس کے لیے بس چند منٹ درکار ہوں گے۔

گوگل میپس میں گھر کو پرائیویٹ رکھنے کے لیے آپ سیٹنگز میں تبدیلی کرسکتے ہیں جس کے بعد وہ اسٹریٹ ویو میں دھندلا ہوجائے گا۔

اس مقصد کے لیے گوگل میپس کو ایک درخواست بھیجنا ہوگی۔

البتہ یہ ذہن میں رہے کہ ایک بار جب آپ کا گھر اسٹریٹ ویو میں دھندلا ہوجائے گا تو پھر اسے دوبارہ واضح کرنا ممکن نہیں ہوگا۔

اپنے گھر کو اسٹریٹ ویو میں دھندلا کرنے کا طریقہ جانیں
اپنے کمپیوٹر پر گوگل میپس ویب سائٹ کو اوپن کریں اور وہاں سرچ بار میں اپنے گھر کے پتے کا اندراج کریں۔
ےاس کے بعد اسٹریٹ ویو بائیں کونے کے نچلے حصے میں ان ایبل کریں جہاں آپ کے گھر یا رہائشی گلی کی تصویر نظر آئے گی۔
ے جب گھر کی تصویر نظر آئے تو اس پر کلک کریں۔
ےاس کے بعد دائیں کونے میں نیچے رپورٹ اے پروبلم پر کلک کریں اور مائی ہوم سلیکٹ کریں۔
ےاس کے بعد آپ ماؤس کرسر کے ذریعے گھر کے ان حصوں کا انتخاب کرسکتے ہیں جن کو آپ انٹرنیٹ سے چھپانا چاہتے ہیں۔
ےگوگل کی جانب سے آپ سے پوچھا جائے گا کہ آپ اسے دھندلا کیوں کرنا چاہتے ہیں تو مختصر اور واضح وجہ درج کریں۔
ےاس کے بعد ای میل ایڈریس انٹر کرکے reCaptch کو کنفرم کریں اور پھر submit بٹن پر کلک کریں اور بس۔
ےالبتہ یہ تصاویر تھرڈ پارٹی کے باعث ویب پر شو ہوسکتی ہیں، جہاں سے ان کو ہٹانے کا کوئی مخصوص طریقہ کار موجود نہیں۔

کراچی : جامعہ کراچی نے بی ایس سی (پاس) سال اول سالانہ امتحانات برائے 2021 ء کے نتائج کا اعلان کردیا۔

ناظم امتحانات جامعہ کراچی ڈاکٹر سید ظفرحسین کے مطابق بی ایس سی (پاس) سال اول سالانہ امتحانات برائے 2021 ء کے نتائج کا اعلان کردیاگیاہے۔

نتائج کے مطابق امتحانات میں 110 طلبہ شریک ہوئے،67 طلبہ کو کامیاب قراردیاگیا جبکہ 43 طلبہ ناکام قرارپائے۔کامیابی کا تناسب 60.91 فیصدرہا۔