ایمزٹی وی(اسپورٹس ڈیسک)پاکستان کی انگلینڈ کے خلاف پہلے ٹیسٹ میں ٹاس جیت کر بیٹنگ جاری ہے۔ابوظہبی کے شیخ زید انٹرنیشنل اسٹیڈیم میں کھیلے جارہے ٹیسٹ میچ میں گرین کیپس کے کپتان مصباح الحق نے ٹاس جیت کر پہلے بیٹنگ کا فیصلہ کیا ہے۔ قومی ٹیم کے لیگ اسپنریاسر شاہ انجری کے باعث ٹیم کا حصہ نہیں جن کی جبکہ عمران خان کو ٹیم میں شامل کیا گیا ہے ۔ 11 رکنی ٹیم میں محمد حفیظ، شان مسعود، کپتان مصباح الحق، یونس خان، شعیب ملک، سرفرازاحمد، اسد شفیق، وہاب ریاض، ذوالفقار بابر، راحت علی اور عمران خان شامل ہیں۔ دوسری جانب انگلش ٹیم کی جانب سے السٹر کک کی قیادت میں معین علی، جوائے روٹ، جونی بیروسٹو، این بیل، بین اسٹوک، جوز بٹلر، عادل رشید، اسٹارٹ براڈ، مارک ووڈ اور جیمس اینڈریسن شامل ہیں

ایمزٹی ویی (اسلام آباد)نیپرانے سینٹ میں تحریک التواء کے جواب میں مؤقف جمع کرادیا ہے جس میں وزارتِ پانی وبجلی نےصارفین کواضافی بل بھیجنےکا الزام ٹھرایا گیا ہے۔ نیپرا کی رپورٹ میں انکشاف کیا گیا ہے کہ سترفیصد صارفین کو اضافی بلزبھیجےگئے اورحکومت کی وزارتِ پانی وبجلی اس کی ذمےدارہے۔ رپورٹ میں ملک میں بجلی کی پیداوارمیں کمی کی ذمہ داری بھی وزارت پانی وبجلی پرڈالی گئی ہے۔ رپورٹ کےمطابق زائد بلنگ کیلئےٹائم آف یوزمیٹراستعمال کئےگئے اورصارفین سےیونٹ کےبجائےوقت کےپیسے لئے گئے۔ نیپرا نے اپنی رپورٹ میں یہ بھی کہا کہ نجی بجلی گھروں کوفائدہ پہنچانے کے لئے سرکاری بجلی گھروں سےپیداواری صلاحیت کےمطابق بجلی پیدا نہیں کی گئی۔

ایمزٹی وی(اسلام آباد) وزیراعظم کے مشیر برائے امور خارجہ سرتاج عزیز نے کہا ہے کہ بھارت غیر ریاستی عناصر کی بات کرتا ہے۔ ہم پاکستان میں بھارت کے ریاستی عناصر کے ملوث ہونے کی بات کر رہے ہیں۔ بھارت کے ریاستی عناصر پاکستان میں سرگرمیوں میں ملوث ہیں۔ بھارتی خفیہ ایجنسی ’را‘ بلوچستان، کراچی اور قبائلی علاقوں میں حالات خراب کرنے میں ملوث ہے۔ بھارت کے پاکستان میں سرگرمیوں میں ملوث ہونے سے متعلق اقوام متحدہ سے ڈوذئیر شیئر کیا۔ عالمی برادری کے سامنے بھارت کی مداخلت کا معاملہ دوبارہ اٹھائیں گے۔ وزیراعظم دورہ امریکا میں ’را‘ کی پاکستان میں ملوث ہونے کی سر گرمیوں کا معاملہ اٹھائیں گے۔ انہوں نے بتایا کہ سمجھوتہ ایکسپریس کے مسافروں کو پاکستانی ہائی کمشنر ہر ممکن سہولت فراہم کر رہا ہے جبکہ پاکستانیوں کے ویزوں کے معاملے پر بھارتی وزرات خارجہ سے رابطہ کیا ہے۔ مشیر خارجہ کا کہنا تھا کہ دنیا نے اعتراف کیا ہے کہ جوہری ہتھیاروں کے معاملے میں ہم ایک ذمہ دار ملک ہیں۔ جوہری پروگرام پر سمجھوتا کیا ہےاور نہ ہی کریں گے۔ پاک افغان تعلقات پر بات کرتے ہوئے سرتاج عزیز کا کہنا تھا کہ افغانستان میں بات چیت کے عمل سے ہی امن و امان قائم ہوگا۔